پنجشیر ده محلی مسئوللرنینگ ایتیشلریچه، اوشبو ولایتده زمرد قازیب چیقریش جوازینی قولگه کیلتیریش خرهجتی، ۹۰ مینگدن ۲۵ مینگ افغانیگه کمهیگن.
پنجشیر حاکمی سوزلاوچیسی سیفالدین لتوننینگ بوگون (۲۳-حمل/۱۲-اپریل، یکشنبه)، اعلام قیلیشیچه، بو قرار کانچیلر اوچون قولیلیک یرهتیلیشی و زمرد کانلرینینگ قانونی قازیب چیقریلیش جریانی تنظیم بولیشی مقصد، آلینگن.
محلی مسئوللرگه کوره، اوتگن ییلده ۱۱۱ مینگ ۵۷۰ قیراط پنجشیر زمردی، تورت میلیون ۱۷۸ مینگ دالر ارزشیگه ساتیلگن.
اسلام امیرلیگی، سونگی ییللرده ایچکی و تشقی سرمایه یاتقیزووچیلرنی جذب قیلیش بیلن، افغانستان کانلری قازیب چیقریلیش جریانینی تیزیملی و قانونی قیلیشگه حرکت قیلگن.
زمرد، پنجشیرنینگ اینگ مهم قیمتبها تاشلریدن بیری حسابلهنیب و هر ییلی مینگلب قیراطی داوطلب شکلده ساتیلهدی.
