افغانستان پایتختی کابل ده آمریکا تامانیدن القاعده رهبری اولدیریلیشی بیلن، آمریکا قوشمه ایالت‌لری نینگ تشقی ایشلر وزیری آنتونی بلینکن، اسلامی امارت نی دوحه بیتیمینی بوزیش گه عیبله‌گن.
آمریکا جمهور باشلیغی جوبایدن دوشنبه کونی تلویزیونی بیاناتیده، القاعده رهبری ایمن الظواهری، اوشبو مملکت نینگ اوچووسیز اوچاقی هجومیده افغانستان پایتختی کابل قلبی ده، اولدیریلگنینی اعلام قیلدی.
بلینکن نینگ ایتیشیچه، اسلامی امارت کابل ده القاعده ییتکچیسی ایمن الظواهری گه جای بیریش و اوندن میزبان‌لیک قیلیش بیلن، دوحه کیلیشووینی بوزگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اسلامی امارت افغانستان خلقی و دنیا جماعه‌چیلیگی بیلن مناسبت‌لرینی عادی‌لشتیریش اوچون بیرگن وعده‌لری گه خیانت قیلگن.»
آمریکا تشقی ایشلر وزیری گه کوره، دنیا ایمن الظواهری یوق‌لیگی بیلن تینچ‌راق بولیشی ممکن و آمریکا اوشبو مملکت و متحدلری نینگ خوفسیزلیگینی تهدید قیله‌دیگنلر گه قرشی اقدام‌لری گه دوام بیره‌دی.
آمریکا رسمی‌لری نینگ ایتیشلریچه، یک‌شنبه کونی بامداد چاغی کابل شهری نینگ شیرپور منطقه‌‍سیده بیر اوی ده هوایی هجوم اویوشتیریلدی که اوتگن کون اسلامی امارت رسمی‌لری مذکور هجوم‌نی تصدیقله دیلر، بیراق اونی دوحه بیتیمی گه قرشی عنوان قیلدیلر.
اسلامی امارت سوزلاوچیسی ذبیح‌الله مجاهد نینگ ایتیشیچه، اول‌لرده اوشبو هجوم قنده‌ی لیگی بیللی ایمس ایدی، اما امنیتی و استخباراتی نهادلر نینگ دستلبکی معلومات‌لری اساسیده، بو هجوم آمریکا نینگ اوچووسیز اوچاقی آرقه‌لی اویوشتیریلگن.
بیزلرنینگ توییترده هم تعقیب قیلینگ!
مجاهد نینگ کوپه‌یتیریشیچه، مذکور هجوم هر قنده‌ی هدف و بهانه ده اوشتیریلگن بولسه، اسلامی امارت محکوم قیلیب و حکومت اونی خلق‌ارا قانون_قاعده‌لر گه قرشی و دوحه بیتیمینی بوزیش بیله‌دی.
باشقه تاماندن سعودی عربستان نینگ رسمی آژانسی (واس) بوگون بامداد چاغی (سه‌شنبه، ۱۱ اسد) اوشبو مملکت تشقی ایشلر وزیرلیگی نینگ پیامینی ترقه‌تگن که اونده القاعده رهبری اولدیریلیشی خوش قرشی‌لنگن.
سعودی عربستان تشقی ایشلر وزیرلیگی نینگ پیامیده کیلیشیچه، ایمن الظواهری «تروریسم ییتکچیلریدن» بیری ایدی، آمریکا و سعودی عربستان ده نیچه قانلی عملیات نی ریجه‌لشتیریب و عملگه آشیرگن.
ایمن الظواهری مصرلیک ایدی. او القاعده شبکه‌سی نینگ سابق رهبری اسامه بن‌لادن اولدیریلیشیدن کیین، مذکور شبکه نینگ رهبری تعینلندی.