بیرلشگن ملت‌لر تشکیلاتی گه کوره، افغانستان ده تریاک ایکینی تقیق‌لنیشی دن کیین، اوشبو مملکت ده تریاک تولیدی و ایکینی ۹۵ فایز کمه‌یگن.
بیرلشگن ملت‌لر تشکیلاتی نینگ بنگی‌وار ماده‌لر و جنایی جرم‌لر گه قرشی کوره‌ش دفتری (UNODC)، بوگون (یک‌شنبه، ۱۴عقرب)، ترقه‌تگن گزارشی ده بو حقده معلومات بیرگن.
بیرلشگن ملت‌لر تشکیلاتی نینگ گزارشی ده، اسلام امیرلیگی تامانیدن افغانستان ده تریاک ایکینی تقیق‌لنیشی دن کیین، بو مملکت ده تریاک تولیدی سیزیلرلی درجه ده کمه‌یگنی قید ایتیلگن.
بیزلرنینگ فیسبوک صحیفه‌میزگه باش اورینگ!
مذکور تشکیلات گه کوره، ۲۰۲۲-ییل ده تریاک تولیدی آلتی مینگ ۲۰۰ تُن دن، ۲۰۲۳-ییل ده ۳۳۳ تُن گه کمه‌یگن.
اوشبو گزارش گه بناً، بوندن آلدین افغانستان ده ۱۰ مینگ ۸۰۰ هکتار ییر ده تریاک ایکیلر ایدی، بیراق ۲۰۲۳-ییل ده بو رقم ۲۳۳ هکتار ییر گه ییتگن.
مذکور گزارش ده، افغانستان ده‌گی دهقان‌لر تریاک ایکمسلیک‌‌لری اوچون اولر نینگ قوللب-قوتلنیشی اوستیگه تاکید ایتیلگن.
عین‌حالده، ایچکی ایشلر وزیرلیگی نینگ بنگی‌وار ماده‌لر گه قرشی کوره‌ش معینی سلام‌وطندار بیلن اوتکزگن صحبتیده، افغانستان ده تریاک ایکینی صفر گه ییتگنینی معلوم قیلگن.
ایچکی ایشلر وزیرلیگی نینگ بنگی‌وار ماده‌لر گه قرشی کوره‌ش معینی عبدالحق همکار گه کوره، مملکت ده تریاک ایکینی صفر بولیشی گه قوشیمچه، تریاک ایشلب چیقرووچی کوپ سانده ایشخانه‌لر یوق ایتیلگن.
بیزلرنینگ «ایکس» ترماغی ده هم تعقیب قیلینگ!
او نینگ کوپه‌یتیریشیچه، اوتگن بیر ییل ده ۱۰ مینگ ۴۰۰ بنگی‌وار ماده‌لر قاچاقچیسی قولگه آلینگن.
ایچکی ایشلر وزیرلیگی نینگ بنگی‌وار ماده‌لر گه قرشی کوره‌ش معینی عبدالحق همکار نینگ ایتیشیچه، قولگه آلینگن بنگی‌ماده‌لر قاچاقچیلری نینگ دوسیه‌لری عدلی و قضایی نهادلر گه یوباریلگن.
اسلام امیرلیگی رهبری هبت‌الله آخوندزاده، ۲۰۲۲-ییل ده افغانستان بویلب تریاک ایکینی، تولیدی و قاچاقی ایتیلیش نی تقیق‌لب و باغلیق اداره‌لر گه بویروغینی عملی قیلیش اوچون جدی بولیش‌لرینی ایتگن بیرحالده، بیرلشگن ملت‌لر تشکیلاتی نینگ بنگی‌وار ماده‌لر و جنایی جرم‌لر گه قرشی کوره‌ش دفتری، افغانستان بویلب تریاک ایکینی و تولیدی کمه‌یگنیدن خبر بیرگن.