افغانستان، چین، اوزبیکستان و قیرغیزستان نینگ اقتصادی دهلیزی آرقه‌لی، سوداگرلیک بیرینچی توارلر بوگون حیرتان بندری آرقه‌لی افغانستان گه ییتیب کیلگن. ۱۲ کانتینر گه یوکلنگن اوشبو سوداگرلیک توارلر، نقلیه واسطه‌لر نینگ پرزه‌لری دیر که چین دن وارد ایتیلگن.
اوشبو ییل ۱۹ سنبله ده افغانستان، اوزبیکستان، قیرغیزستان و چین ارا اقتصادی دهلیز آچیلیش بیتیمی امضالنگندن سونگ، بوگون چین نینگ تجارتی بیرینچی توارلری حیرتان بندری گه ییتیب کیلگن.
بیزلرنینگ فیسبوک صحیفه‌میزگه باش اورینگ!
بلخ حاکمی قدرت‌الله ابوحمزه، بوگون (پنج‌شنبه، ۳۱ سنبله) اقتصادی دهلیزنی آچیش مراسمیده ایتیشیچه: «اقتصادی اوشبو دهلیز آچیلیشی افغانستان خلقی اوچون خوش خبرلیک دیر. اسلامی امارت برچه مملکت‌لر اینیقسه قوشنی اولکه‌لر بیلن سیاسی واقتصادی مناسبتی بولیشینی ایسته‌یدی و بوگون، اوز کوزیمیز بیلن بو یوتوق‌لردن بیری گه گواه میز.»
بلخ حاکمی نینگ کوپه‌یتیریشیچه، مذکور دهلیز آرقه‌لی وارداتی و صادراتی توارلر تیزلیک بیلن مقصد جای گه ایتیشه‌دی.
بیزلرنینگ توییترده هم تعقیب قیلینگ!
عین‌حالده، بلخ سوداگرلیک و سرمایه یاتقیزیش اتاق مسئولی اسدالله اسدی گه کوره، اقتصادی دهلیز آرقه‌لی آز مصرف بیلن واردات و صادرات بولیشیدن قطعی نظر، افغانستان نینگ اقتصادی ترقیاتی اوچون مهم دیر.
باشقه تاماندن، بلخ تیمیر یولی ریاست مسئولی سیدقدیم کریمی نینگ ایتیشیچه، بوندن آلدین چین نینگ سوداگرلیک توارلری، پاکستان نینگ کراچی بندری یا چابهار بندری آرقه‌لی ایکی آی مابینیده افغانستان گه ییتیب کیلر ایدی.