کابل یشاوچیلریدن قطاری، بازارلرده گاز نرخی آشیشی خصوصیده خواطر بیلدیریب ایتیشلریچه، برق یوق‌لیگی و گاز نرخی آشیشی اولر نی کوپینچه قیین‌چیلیک بیلن روپه‌ره قیلگن.
کابل نینگ کلوله‌پشته منطقه یشاوچیسی مرضیه گاز آلیش اوچون دوکان‌لردن بیری گه بارگن دیر. اونینگ ایتیشیچه: «برق بولمه‌گنی اوچون گاز‌دن استفاده قیله‌میز. بیرآز انصاف‌لی بولیش کیره‌ک. گاز نرخی بیخی آسمان گه ییتیشگن بیر کیلو گاز ۸۵ افغانی، کمبغل اهالی قنده‌ی قیش نی اوتکزسین.»
بیزلرنینگ توییترده هم تعقیب قیلینگ!
کابل نینگ بره‌کی منطقه‌سیده‌گی نانوای‌خانه‌لردن بیری نینگ ایگه‌سی احمد گه کوره، گاز نرخی یوقاری‌لیگی ایش خصوصیده هم سلبی تأثیر قویگن و او تاپگن پولی نی گاز آلیش گه مجبور دیر. احمد نینگ کوپه‌یتیریشیچه: «برچه گه زیان ییشتیره‌دی و گاز نرخی یوقاری کیتگنی صورت‌ده نان نرخی یوقاری کیته‌دی و اون نرخی یوقاری کیته‌دی. بو رقم موضو‌ع‌لر بار. اون یا-ده گاز نرخی یوقاری کیتگنی صورت‌ده، ایشی‌میز گه کوپ تاثیری بار.»
شونده‌ی بیرحالده، کابل شهریده گاز ساته‌دیگنلردن بیری نینگ ایتیشیچه، اوتگن بیر هفته جریانیده، بیر کیلو گاز نرخی ۶۲ افغانی‌دن ۸۵ افغانی گه ییتیشگن.
بیزلرنینگ فیسبوک صحیفه‌میزگه باش اورینگ!
عین حالده، نفت و گاز ملی شرکت مسئوللری نینگ ایتیشلریچه، قتناو یول‌لر نینگ یاپیلگنی و پایتخت گه کیفیت‌سیز گاز نینگ کیلیشی‌دن توسیق بولگنی، نرخ نینگ کوپه‌یشی گه سبب بوله‌دی.
شونده‌ی بیر حالده، افغانستان نیازی بولگن گاز‌دن کویپنچه‌سی نی ایران، روسیه و ترکمنستان‌دن وارد قیله‌دی و هر ییل قیش موسومی‌ده مملکت قتناو یول‌لری نینگ یاپیلیشی بیلن، یانغین ماده اینیقسه گاز نرخی کوپه‌یدی.