متقاعدلر ملی کونی بیلن، متقاعدلردن بیرقطاری نینگ ایتیشلریچه، اقتصادی قیینچیلیک بیلن روپهرهلر و ایکی ییل دن بویان متقاعدلیک حقوقلری توللـهنیلمهگن. عینحالده پولیس متقاعدلر کینگشی گه کوره، اوتگن بیر آی ده اوچ پولیس متقاعدی قشاقلیک و روحی کسللیک باعث هلاک بولگن.
پولیس متقاعدلر کینگش باشلیغی شکرالله امانزوی نینگ ایتیشیچه، متقاعدلردن باشقه بیری اقتصادی قیینچیلیک باعث کسل نبیرهلریدن بیرینی کسلخانه ده قول دن بیرگن.
اونینگ کوپهیتیریشیچه: «اوتگن بیر آی ده قشاقلیک و روحی کسللیک باعث اوچ پولیس متقاعدی هلاک بولگن. و متقاعدلردن باشقه بیری اقتصادی قیینچیلیک طفیلی کسل نبیرهسینی کسلخانه ده قول دن بیرگن، اسلام امیرلیگی دن متقاعدلر نینگ حقوقینی توللشینی طلب قیلهمیز.»
بیزلرنینگ فیسبوک صحیفهمیزگه باش اورینگ!
ملی مدافعه وزیرلیگی دن تقاعد قیلگن لالمحمد مجبور گه کوره، ایناغهسی دگروال محمدرسول بشدوال ایچکی ایشلر وزیرلیگی متقاعدی دیر و او تورت کیشیلیک عایله سرپرستی ایدی، قیش موسومی بیرینچی کونلریده قشاقلیک باعث هلاک بولگن.
لالمحمد مجبور نینگ ایتیشیچه: «ایناغم محمدرسول بشدوال ایچکی ایشلر وزیرلیگی متقاعدی دیر که او تورت کیشیلیک عایله سرپرستی ایدی، ۱۳۹۷_ییلی تقاعد قیلگندی اوشبو ییل قیش موسومی بیرینچی کونلریده وفات ایتدی.»
پولیس متقاعدلریدن باشقه بیری عبدالعظیم اعظیمی گه کوره: «ایکی ییل دن بویان متقاعدلیک حقوقیمیز توللـه نیلمهگن، اجاره اوی ده تیریکچیلیک قیلماقدهمیز، هوا ساووقلیگی باشقه بیر قیینچیلیک. اسلام امیرلیگی دن متقاعدلر نینگ حقوقینی توللشینی ایستهیمیز.»
شونینگدیک، متقاعدلردن باشقه بیری عبدالهادی گه کوره، ۹ کیشیلیک عایله سرپرستی دیر. اونینگ کوپهیتیریشیچه، یشش اویی ده نه ییگولیک نانی و نه هم اویینی ایسیتیش اوچون یاقیلغی مادهسی بار.
بیزلرنینگ توییترده هم تعقیب قیلینگ!
عبدالهادی نینگ ایتیشیچه: «۱۴۰۰_ییل اولی ده تقاعد قیلگن ایدیم حاضرگچه متقاعدلیک پولیم توللـه نیلمهگن و نیچه مراتبه متقاعدلر ادارهسیگه مراجعت قیلدیم لیکن نتیجه بیرمهدی، بیر کون بخاری ایسیق بولسه باشقه کون ساووق دیر، بیر کون اوی نی ایسیتیش اوچون یاغاچ تاپیلسه باشقه کون تاپیلمهیدی.»
بوندن آلدین، مالیه وزیرلیگی اسلام امیرلیگی رهبریتی تامانیدن متقاعدلر نینگ حقوقینی توللش طرحی تصدیقلهنیشیدن کیین اولر نینگ حقوقی توللـهنیلیشینی ایتگن ایدی.
ایتیش کیرهک که، حاضر افغانستان بویلب عیاللر شامل تخمیناً ۱۴۹ مینگ متقاعد موجود، آیلردن بویان اولر نینگ متقاعدلیک حقوقی توللـه نیلمهگن.