افغانستان گه تشریف بویرگن چینلیک جلغوزه سوداگرلریدن بیرقطاری، بیرینچی مرته خوست و پکتیا ولایت‌لری گه سفر قیلگنلر.
پکتیا سوداگرلیک اتاق باشلیغی حسیب گردیزی، اوشبو ولایت گه چیت ایل‌لیک‌لر نینگ تشریفینی جلغوزه سوداسی اوچون مثبت بهالب ایتیشیچه، خارجی سوداگرلر نینگ مذکور ولایت‌لر گه سفری جلغوز سوداسی اوستیگه مثبت تأثیر قیله‌دی.
او نینگ کوپه‌یتیریشیچه: «بیرینچی مرته چینلیک سوداگرلر نینگ پکتیا گه تشریفینی مثبت بهاله‌یمیز. بو صادرات اوچون کتته یوتوق دیر. بیز بو ایش دن راضی‌میز و پکتیا ده پروسس بولگن جلغوزه‌لر چیت ایل اولکه‌لری گه صادر بولیشی ممکن.»
بیزلرنینگ فیسبوک صحیفه‌میزگه باش اورینگ!
پکتیا گه تشریف بویرگن چینلیک سوداگرلر نینگ ایتیشلریچه، اولر پکتیا و خوست ولایت‌لری جلغوزه‌لری نینگ صفتینی تیکشیریشگن و یقینده جلغوزه سوداسی بیتیمینی امضاله‌یدیلر.
چینلیک سوداگرلردن جیانگ گه کوره، پکتیا و خوست جلغوزه‌لری صفتی یخشی دیر و او گردیز شهری ده «رحیم گردیزی» جلغوزه پروسس قیلیش ایشخانه نینگ ایشلرینی یقیندن کوزه‌تگن.
او نینگ کوپه‌یتیریشیچه، جلغوزه صفتینی بیرینچی تیکشیریش‌لری مثبت دیر و اولر تیزلیک بیلن جلغوزه نی ساتیب آلیش بیتیمینی امضالش‌لری ممکن.
اونگه کوره: «بیز جلغوزه بازارینی تیکشیریش اوچون پکتیا و خوست ولایت‌لری گه کیلدیک. اوتگن ییل گه قره‌گنده جلغوزه صفتی یخشی دیر و دانه‌لری هم کتته‌راق بولگن. بیز بو ییردن جلغوزه ساتیب آلیب و چین گه صادر قیله‌میز.»
بیزلرنینگ «ایکس» ترماغی ده هم تعقیب قیلینگ!
عین‌حالده، پکتیا ده جلغوزه سوداگرلریدن بیرقطاری نینگ ایتیشلریچه، اوشبو ییل مذکور ولایت ده جلغوزه محصولاتی ۶۰ فایز کمه‌یگن، بیراق اوتگن ییل گه قره‌گنده نرخی آشگن.
جلغوزه سوداگرلریدن محبوب‌الله گه کوره، اولر نینگ معلوماتی اساسیده اوشبو ییل جلغوزه حاصلی ۶۰ فایز گه کمه‌یگن و اکثر منطقه‌لرده حاضر هم جلغوزه یخشی طرزده قوریقلنمه‌یدی شونی اوچون یینگیل بولیب و تاتی اچیق بوله‌دی.
او نینگ کوپه‌یتیریشیچه: «اوتمیش ییل‌لر گه قره‌گنده بو ییل جلغوزه قیمتی ۴۰ و ۵۰ فایز گه آشگن، چونکه چیت ایل بازارلریده سوداسی کوپه‌یگن.»
ایتیش کیره‌ک که، اوتمیش ده چین شامل اروپا و عرب مملکت‌لری گه صادر بوله‌دیگن پکتیا جلغوزه‌سی، پکتیا مرکزی گردیز شهری ده پروسس و پاکت بولر ایدی.
