پکتیکا افغانستان نینگ جنوب‌شرقی ولایت‌لریدن دیر که بو ولایتده کوپراق جلغوزه ایکیله‌دی و یشاوچیلری ایسه اوشبو محصول ایشلری بیلن مشغول دیر.
پکتیکا ده جلغوزه سوداگرلری نینگ ایتیشلریچه، اوشبو ولایتده جلغوزه حاصلاتی اوتگن ییل‌لرگه نسبتن ۵۰ فایز کمه‌یگن و سوداسی اوچون مناسب بازار یوق دیر.
سوداگرلر نینگ ایتیشلریچه، بیر یریم ییل دن بویان افغانستان نینگ جغلوزه‌سینی وارد قیلووچی مملکت‌لر مذکور مملکت سوداگرلری گه ویزه بیرمه‌یدی، شو باعث جلغوزه صادراتی سیزیلرلی درجه ده کمه‌یگن.
بیزلرنینگ فیسبوک صحیفه‌میزگه باش اورینگ!
جلغوزه سوداگرلریدن غیرت بهیچ نینگ سلام‌وطندار گه ایتیشیچه: «مناسب بازار بولگنده ایدی اوتگن ییل دن یوزلب بوجی جلغوز قالمسدی. ارگون بازاری گه مراجعت قیلیشینگیز ممکن؛ اهالی یشش اوی‌لریده جلغوزه‌نی سقله‌ماقده. ستندرد جای و کارخانه‌لری یوق، شونینگدیک انتقال بیریش اوچون امکانیت‌لری هم یویق. اوتگن ییل نینگ محصولاتی حاضر قالگن و بو ییل حتا جلغوز سوداگرلیگی توخته‌گن.»
جغلوزه سوداگرلریدن باشقه بیری یعقوب گه کوره: «جلغوزه کابل دن دبی گه انتقال بیریله‌دی اوییرده بونگه دقت قیلینمه‌یدی. جلغوزه یولگه بوزیله‌دی و اوزبیکستان یولی دن انتقال بیره‌دیگنلر زیان کوریب و مناسب طرزده مقصد گه ییتیشمه‌یدی. جلغوزه انتقالی اوچون ترانسپورتی قیینچیلیک بار. ایکینچی مشکل شو که سوداگرلر گه ویزه بیریلمه‌یپتی.»
عین‌حالده، پکتیکا حاکمی عبدالله مختار نینگ سلام‌وطندار گه ایتیشیچه، صناعت و سوداگرلیک وزیرلیگی چین دن باشقه اولکه‌لر گه جلغوزه سوداسی اوچون مناسب بازار قیدیریب و سوداگرلر گه قولی‌لیک یره‌تیشیدن ایشانچ بیلدیرگن.
بیزلرنینگ توییترده هم تعقیب قیلینگ!
عبدالله مختار گه کوره: «چین گه صادر ایتیله‌دیگن جلغوزه معیاری دیر و ستندرسیز جلغوزه‌لرنی قوشنی اولکه‌لر گه صادر قیلیش مقصدیده سعی و حرکت قیلماقده‌میز.»
پکتیکا ده‌گی سوداگرلر، جلغوزه صادراتی خصوصیده اسلام امیرلیگی نینگ بی فرق‌لیگیدن تنقید قیلیب ایتیشلریچه، اولر کوپ مقدارده جلغوزه صادر قیلیش کوچیگه ایگه ایمس‌لر.
اولرگه کوره، نیچه کونگچه پکتیکا ده بیر کیلو جلغوزه بیرمینگ ۵۰۰ افغانی ساتیلر ایدی؛ لیکن حاضر بو رقم بیر مینگ ۲۰۰ افغانی گه کمه‌یگن.
