افغانستان گه اسلامی امارت نینگ قدرت گه ایریشگنیدن ۱۰ آی بولگن، بیراق ایش بیلرمان‌لردن قطاری اسلامی امارت نینگ تشقی سیاست‌ده ناکام بیله‌دیلر. اولر نینگ ایشانچ‌لری گه کوره، اسلامی امارت نینگ ایچکی عمل‌لری تشقی سیاست نینگ ضعیف‌لنگنی گه سبب بولگن. اولر نینگ ایتیش‌لریجه، اسلامی امارت تشقی سیاستی‌ده موفق بولیشی اوچون، دنیا ایستک‌لری نی عمل گه آشیریشی کیره‌ک.
بوتوغریده سیاسی ایش بیلرمان‌لردن بیری ویس ناصری نینگ سلام‌وطندار گه ایتیشیچه: «اسلامی امارت هم ایچکی سیاست‌ده و هم تشقی سیاست‌ده ناکام دیر و افغانستان، اوتمیش ۱۰۰ ییل‌ده تجربه قیلمه‌گن نرسه‌لری نی ۱۰ آیده تجربه قیلگن.»
بیزلرنینگ فیسبوک صحیفه‌میزگه باش اورینگ!
شونینگدیک رواجلنتیریش و عدالت حزب رهبری سید‌جواد حسینی نینگ سلام‌وطندار گه ایتیشیچه: «افغانستان دنیا بیلن رابطه‌لریده حاضرگچه هیچ بیر یوتوق قولگه کیلتیرمه‌گن.»
باشقه بیر تامان‌دن، سیاسی تحلیلچی و خلق‌ارا رابطه‌لر بیلرمانی طارق فرهادی نینگ ایتیشیچه، اقتصادی قیین‌چیلیک، مملکت‌دن تشقی گه اهالی نینگ مهاجرتی و ۶-صنف‌دن یوقاری قیز مکتب‌لر نینگ یاپیق قالگنی، اسلامی امارت تشقی سیاستی نینگ ضعیفلنیشی گه سبب بولگن اصلی عامل‌لریدن دیر. فرهادی نینگ ایشانچی گه کوره، اسلامی امارت تشقی سیاستی‌ده آرتگه قیتگن.
شونده‌ی بیرحالده، سیاسی ایش بیلرمان‌لردن باشقه بیری خلیل‌احمد نادم نینگ ایتیشیچه، متخصص دیپلمات‌لر نینگ یوقلیگی و امر بالمعروف و نهی عن‌المنکر وزیرلیگی رفتارلری، اسلامی امارت نینگ دنیا جماعه بیلن رابطه قوره‌آلمه‌یشی گه سبب بولگن.
باشقه بیر تامان‌دن، سیاسی و حربی ایش بیلرمان حکمت‌الله حکمت نینگ ایتیشیچه، پاکستان اسلامی امارت تشقی سیاستی نی قمرویی گه آلگن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «افغانستان، سیاستی استقلال و تشقی سیاستی نی اختیاری گه آلمه‌یشی اوچون پاکستان حقیقت‌ده افغانستان تشقی سیاستی نی قمروی گه آلگن. شو شکلده، تشقی سیاست‌ده موفق‌میز دیب ایته‌آلمه‌یمیز.»
بو توغریده تشقی ایشلر وزیرلیگی مسئوللری و اسلامی امارت سوزلاوچیلری نینگ فکری نی آلیش ایسته‌دیک؛ بیراق موفق بولمه‌دیک.
ایتیش کیره‌ک که، افغانستان ده اسلامی امارت نینگ قدرت گه ایریشگنیدن ۱۰ آی اوتگن، بیراق حاضرگچه هیچ بیر مملکت اوشبو حکومت نینگ رسمیت گه تانیمه‌گن.
