چین تشقی ایشلر وزیرلیگی، آمریکا قوشمه ایالت‌لری جمهور باشلیغی جوبایدن نینگ، افغانستان مرکزی بانکی سرمایه‌لریدن بیر قسمی ۱۱سپتامبر هجومی قربانی‌لری نینگ عایله‌لری گه تاوان اوله‌راق اجره‌تیش قراری گه عکس‌العمل کورسه‌تیب ایتیشیچه، «دنیا نینگ اینگ بای مملکتی آچیق شکلده اینگ نادار مملکت نینگ سرمایه‌سینی اوغیرله‌یدی.»
چین تشقی ایشلر وزیرلیگی نینگ اورین باسری و سوزلاوچیسی هواچو توییتری‌ده یازیشیچه، افغانستان یشاوچیلری نینگ دارای‌لری اوز اختیارلریده بولیب و اوزلری تامانیدن کنترول قیلینیشی لازم؛ خصوصا اونگه احتیاجی بار پیتده فایده لنیش‌لری کیره‌ک.
امریکا جمهور رئیسی جوبایدن افغانستان مرکزی بانکی نینگ سرمایه‌سیدن ۷ میلیارد دالری که اسلامی امارت افغانستانده حاکم بولگن‌دن کیین اوشبو مملکت تامانیدن توسیلگن ایدی، اوشبو پوللرنی آزاد ایتیش فرمانی‌نی اوچ کون آلدین امضا قیلدی.
بیزلرنینگ فیسبوک صحیفه‌میزگه باش اورینگ!
اوشبو فرمان اساسیده، ۳.۵ میلیارد دالر افغانستانده انسان سیورلیک یاردم‌لرترقه‌تیلیش وبشری انقراض آلدینی آلیش و باشقه ۳.۵ میلیارد دالر امریکا ده ۱۱ سپتمبرهجومی قربانی‌لری عایله‌لری‌گه تاوان توللش اوچون نظرگه آلینگن دیر.
امریکا جمهور رئیسی نینگ اوشبو فرمانی ملی و خلق‌ارا عکسالعمللرگه سبب بولگن.
افغانستان سابق جمهور باشلیغی، جوبایدن نینگ بو قراریدن تنقید قیلیب ایتیشیچه، امریکا بو قضیه‌نی قیته تیکله‌شی کیره‌ک. افغانستان سابق جمهور رئیسی اوتگن کونی خبری بیر ییغین‌ده تاکید قیلگن دیر که افغانستان نینگ توسیلگن پوللری اسلامی امارت‌دن ایمس، بلکه افغانستان یشاوچی‌لریگه تیگیشلی دیر.
عین‌حالده، پاکستان تشقی ایشلر وزیرلیگی بیر اعلامیه ترقه‌تیب، بایدن نینگ بو قراری دن تنقید قیلگن اونینگ ایتیشیچه، اوشبو پوللر افغانستان یشاوچی‌لریدن دیر افغانستان یشاوچیلری بو پوللردن قنده‌ی فایده‌لینش توغریسیده قرارآلیشی کیره‌ک.
بیزلرنینگ توییترده هم تعقیب قیلینگ!
بو وزیرلیک امریکا‌دن افغانستان یشاوچیلری نینگ بشری و اقتصادی نیازمندلیک‌لری رفع ایتیلیشی اوچون توسیلگن برچه پوللرنی آزاد قیلیشی‌نی سوره‌گن.
