بامیان محلی مسئوللری نینگ ایتیشلریچه، اوشبو ولایت شیبر تومنی نینگ «غندک مرکزی» منطقه‌سیده، ینگی بیر تومن نینگ ایجاد بولیشی ممکن.
بامیان حاکمی عبدالله سرحدی، اوتگن کون غندک مرکزی منطقه‌سی گه قیلگن سفریده، اوشبو منطقه یشاوچیلری گه غندک منطقه‌سیده ینگی بیر تومن ایجاد بولیشی خصوصیده سوز بیرگن دیر.
بیزلرنینگ توییترده هم تعقیب قیلینگ!
بامیان حاکمی میدیالر دفتری، اوتگن کون (چهارشنبه، ۱-سنبله)، بیر خبرنامه ترقه‌تیش بیلن، مذکور ولایت حاکمی عبدالله سرحدی، ایچکی ایشلر وزیرلیگی نینگ اداری واحد‌لر باشلیغی محمداسلم شریفی و بامیان امنیه قومندانی صدیق‌الله شاهین مسافر غندک مرکزی منطقه‌سی گه سفر قیلگنی نی ایتگن دیر.
عبدالله سرحدی گه کوره، غندک منطقه‌سی گه قیلگن سفری‌دن مقصد، اوشبو منطقه یشاوچیلری نینگ نیازلری و قیین‌چیلیک‌لری نینگ تیکشیریش دیر.
بامیان حاکمی نینگ کوپه‌یتیریشیچه: «اسلام امیر‌لیگی هیچ کیم نی اونوتمه‌گن و مملکت بویلب اجتماعی عدالت نینگ برابر بولیشی و هیچ قنده‌ی تبعیض بولمه‌سدن تطبیق بولیشی خصوصیده سعی و حرکت قیلماقده.»
شونده‌ی بیرحالده، ایچکی ایشلر وزیرلیگی نینگ اداری واحد‌لر باشلیغی محمداسلم شریفی نینگ ایتیشیچه، صورت تاپگن تیکشیریشلر و غندک مرکزی منطقه یشاوچیلری نینگ نیازلری اساسیده، ایچکی ایشلر وزیرلیگی گه اوشبو منطقه‌ده ینگی بیر تومن ایجاد بولینیش بویروغی ارائه بولیشی ممکن و اونگه کوره، اینگ یقین زمان‌ده عمل گه آشیریلیشی نی کوتیب تورگن.
بیزلرنینگ فیسبوک صحیفه‌میزگه باش اورینگ!
غندک مرکزی منطقه یشاوچیلریدن قطاری نینگ ایتیشلریچه، اوشبو منطقه نینگ جغرافیاسی و تاغلی بولگنی، قیین‌چیلیک بیلن اوتیله‌دیگن یوللر و نفوس کوپلیگی گه قره‌گنده، اولر نینگ اَیری بیر اداری واحد گه نیازلری بار و اونینگ ایجاد بولیشی بیلن، قیین‌چیلیک‌لری نینگ حل بولیشی ممکن.
ایتیش کیره‌ک که، بوندن آلدین بامیان محلی مسئوللری، مذکور ولایت ورس تومنی حدودلریده «سرخ‌جوی» منطقه‌سیده، ینگی بیر تومن نینگ ایجاد بولینیشی‌دن خبر بیرگن ایدیلر.
