بامیان ده محلی منبع‌لر نینگ سلام‌وطندار گه تصدیق قیلیش‌لریچه، اوشبو ولایت معارف ریاستی نینگ تعلیمی نظارت عضوی و مذکور اداره رئیسی اسلام‌الدین عثمانی نینگ یقین‌داشلریدن بیری بشر حیدری (یکشنبه، ۱۲-سرطان) بامیان مرکزی‌ده «بام‌سرای» قیشلاغیده‌گی ساغلیک مرکزده یاش بیر قیز بیلن زناکارلیک‌ده عیب‌لنیب و اسلامی امارت استخبارات کوچلری تامانیدن قولگه آلینگن.
منبع‌لر گه کوره، بامیان ریاستی نینگ تعلیمی نظارت عضوی، بیرینچی‌ده اوشبو یاش قیز گه اوقیتووچیلیک بیر بست نی سوز بیرگن و اوندن کیین اونی زنا قیلیش گه مجبور قیلگن.
بیزلرنینگ توییترده هم تعقیب قیلینگ!
منبع‌لر نینگ کوپه‌یتیریش‌لریچه، اوشبو ریاست تعلیمی نظارت عضوی بشر حیدری بیلن قرینداش بولگن بامیان معارف رئیسی اسلام‌الدین عثمانی، اونینگ اسلامی امارت استخبارات ریاستی نینگ قماق‌خانه‌سیدن قوییب یوباریش اوچون سعی و حرکت قیلماقده.
شونینگدیک بامیان حاکمی سوزلاوچیسی عبدالصبور فرزان سیغانی نینگ ایتیشیچه، بشر حیدری اسلامی امارت استخبارات کوچلری تامانیدن قولگه آلینگن. سیغانی نینگ کوپه‌یتیریشیچه: «مین بشر حیدری نینگ زنا یا-ده باشقه عیب بیلن قولگه آلینگنی نی تصدیق قیله‌آلمه‌یمن. بو واقعه خصوصیده اوشبو ریاست استخباراتی‌دن معلومات آلینگ.»
