بامیان ده‌گی محلی منبع‌لر، اوشبو ولایت نینگ مرکزی حدودلری گه قره‌شلی دره‌ی فولادی «سیاه‌خاک» قیشلاغیده، ۲۰ یاشر بیر قیز اوزینی دار گه آسگنیدن خبر بیره‌دیلر.
محلی منبع اسمی سر قالیش شرطی بیلن سلام‌وطندار گه ایتیشیچه، اوشبو واقعه اوتگن کون (پنج‌شنبه، ۱۹ عقرب) یوز بیرگن. منبع‌گه کوره، مذکور یاش قیز نینگ آتی هاجره دیر.
بیزلرنینگ فیسبوک صحیفه‌میزگه باش اورینگ!
منبع نینگ کوپه‌یتیریشیچه: «۲۰ یاشر هاجره اوتگن کون توشدن کیین اوزینی دار گه آسیب حیاتیگه نقطه قویدی او بیر ییگیت بیلن اوی‌لنگن ایدی، بیراق نیچه کون آلدین اسلام امیرلیگی کوچلری هاجره و تورموش اورتاغینی بیر ییرده کورگنلر، اوشبو ماجرا ده اونینگ دوستینی قولگه آلیب و اوزینی ایسه تهدید قیلگنلر.»
بو توغریده، هاجره عایله اعضالری نینگ فکر-ملاحظه‌سینی اورگه‌نیش اوچون تلاش قیلدیک، لیکن بیرین-کیتین قونغراق‌لر بیلن موفق بولمه‌دیک.
بیزلرنینگ توییترده هم تعقیب قیلینگ!
بیراق بامیان حاکمی سوزلاوچیسی عبدالصبور فرزان سیغانی، اسلام امیرلیگی کوچلری تامانیدن هاجره نینگ دوستی قولگه آلینیشینی رد قیلیب ایتیشیچه، دستلبکی معلومات‌لر اساسیده، هاجره روحی و عایله‌وی قیینچیلیک سبب اوزینی اولدیرگن.
عین‌حالده، اوتگن هفته بامیان شهری نینگ اوچینچی ناحیه‌سیده نورالله اسملی ۱۶ یاشر بیر ییگیت، ینگی کییمی باره‌سیده آته‌سی بیلن تارتیشوو دن سونگ، اوزینی اوی حمامی ایچیده دار گه آسیب حیاتیگه نقطه قویگن ایدی.
