بلخ ده نخبه‌گان خصوصی بیلیم یورتی تامانیدن «خلق‌ارا بریل خطی» یا که کوز دن عاجزلر نینگ یازیش اسلوبی کونیدن، اوشبو ولایت محلی مسئوللری و بلخ ده‌گی کوز دن عاجزلر نینگ حضوری بیلن نشانلندی.
بریل، کوز دن عاجزلر نینگ یازیش و اوقیش اوچون فایده‌لنه دیگن خط دیر. بو خط اختراع‌چیسی و کوز دن عاجز لوی بریل آتی گه مشهور دیر و تورتینچی جنوری خلق‌ارا «بریل خطی» گه ناملنگن.
بیزلرنینگ فیسبوک صحیفه‌میزگه باش اورینگ!
کوز دن عاجز بیرقطاری کیشیلر، حمایتی برنامه‌لر و ایش فرصت‌لری یوق‌لیگیدن شکایت قیلگن بیرحالده، بلخ ولایتیده اوشبو کوندن نشانلنگن.
کتاب یوق‌لیگی و بریل خطی دن دولت مکتب‌لریده‌گی اوقیتووچیلر نینگ آگاهی‌سیزلیگی، تعلیم و شغلی فرصت‌لر آزلیگی و تحصیلی نهادلرده کوز دن عاجزلر استخدام بولمسلیگی، اولر نینگ اساسی قیینچیلیک‌لریدن سنله‌دی.
بلخ ده کوز دن عاجزلر دن عبدالرحیم صفا نینگ سلام‌وطندار گه ایتیشیچه: «کوز دن عاجزلر اقتصادی قیینچیلیک بیلن دوچ دیر، بیر لقمه نان تاپیش اوچون ناگران‌لر نینگ باله‌لری سرک‌لر ده ایشله‌یدی. اولر گه ایش فرصت‌لری بیریلمه‌یدی.»
بلخ ده کوز دن عاجزلردن باشقه بیری سیدمحمد یزدان پرست گه کوره: «بلخ دولت مکتب‌لریده‌گی اوقووچیلر درس‌لیک و مسلکی اوقیتووچیلر آزلیگی بیلن روپه‌ره‌لر. ۱۲-صنف دن فارغ بولگنلر اوقیتووچیلر نینگ بریل خطی دن آگاهی‌سیزلیگی باعث بیلیم یورت‌لر گه یول تاپه آلمه‌یدیلر.»
بیزلرنینگ «ایکس» ترماغی ده هم تعقیب قیلینگ!
بلخ ولایتی شهیدلر و ناگران‌لر ریاستی مسئوللری، دولت باشقه اداره‌لری اویغون‌لیگی بیلن کوز دن عاجزلر نینگ قیینچیلیک‌لری حلی اوچون سعی‌وحرکت قیلیش‌لریدن ایشانچ بیره‌دیلر.
بلخ شهیدلر و ناگران‌لر باشلیغی جان‌محمد حکمت نینگ ایتیشیچه: «اولر نینگ ایشلش توانی بولسه اولر گه ایش فرصت‌لری یره‌تیلیشیدن ایشانچ بیره‌میز. اسلام امیرلیگی رهبریتی اویغون‌لیگی بیلن اولر نینگ ایش گه آلیش و قیینچیلیک‌لری حلی اوچون تلاش قیله‌میز.»
باشقه تاماندن، بلخ ده ناگران‌لر گه عاید مکتب آمری ناگران‌لر نینگ قیینچیلیگینی تصدیقلب ایتیشیچه، بو ولایت ده دولت بیلیم یورتی مسئوللری تحصیلی بولیم‌لر ده کوز دن عاجزلر نینگ جذب قیلیش گه زمینه یره‌تیش‌لریدن ایشانچ بیرگنلر.
بلخ ده ناگران‌لر گه عاید مکتب آمری اجمل رحمانی گه کوره: «بوتوغریده گپله‌دیک، تخنیک و مسلکی بولیم‌لرده و جمعیت ده فعالیت و ایشلش اوچون زمینه یره‌تیش‌لریدن ایشانچ بیردیلر. بلخ بیلیم یورتی اورین باسری بیلن صحبت قیلدیک، بو معما حلی اوچون تلاش قیلیشینی ایتدی.»
برچه‌سی بیلن، افغانستان کوز دن عاجزلر اویوشمه‌سی نینگ معلوماتی اساسیده، حاضرگی کونده بلخ ولایتیده قریب ۱۸ مینگ کوز دن عاجز موجود، اولر دن بیش مینگی بوتونلی کوز دن عاجز دیر