هر ایرتنگ اذان بیلن، حویلی‌سی‌نینگ چیککه‌سیده توخته‌گن کته نارنجی بوجی‌سینی آلیب و اویی‌دن چیقه‌دی. کوچه‌لر، سرک‌لر و چیقیندیلر بولگن هر ییرگه باریب، اوزی بیلن عایله‌سی‌گه بیر لقمه نان پولی نی قولگه کیلتیریش اوچون کوزی‌گه بیراز فایده‌لی کوریلگن نرسه‌لرنی ییغیش‌گه باشله‌یدی.
۴۰ یاشر پناه‌داد، پروان مرکزی، چاریکار شهری‌‌نینگ بیر چیککه‌سیده جایلشگن کیچیک و ایسکیرگن بیر اوی‌ده حیات کیچیره‌دی.
بیزلرنینگ «ایکس» ترماغی ده هم تعقیب قیلینگ!
او ییل‌لردن بیری، کارتن، شیشه‌ای و پلاستیکی بوتل‌لرنی تاپیب و اونینگ ساتیش بیلن نیچه افغانی قولگه کیلتیریش مقصد، چیقیندیلرنی اختریش‌گه سرگردان. «هر ایرتنگ اذان بیلن کیچه‌‌گچه چیقیندیلرنی ییغه‌من. اهالی‌نینگ چیپگن نرسه‌لرنی چیقیندیلر ایچیدن کیلیب آختره‌من و اولرنی ییغه‌من.»
چیقیندی، پناه‌داد اوچون یالغیز بیر چیقیندی ایمس، بلکیم باشقه بیر یول آرقه‌لی نان قولگه کیلتیریش توغریسیده بیر فرصت نی اونگه یره‌تمه‌گن بیر شهر‌ده، اونینگ تیریک قالیشی عاملی دیر.
او، تورموش اورتاغی بیلن باله‌لری‌نینگ قارنی‌نی تویغزیش و اولر‌نینگ کییم-کیچگی‌نی تامین‌لش اوچون، اجین توشگن قوللری بیلن کوپینچه هید ایچیدن چیقیندیلرنی اختریش قیین‌چیلیکلری‌نی چیده‌ش‌گه مجبور دیر. «پیپسی‌نینگ قوطی‌سی و پلاستیک ییغه‌من. ۱۱ کیشی‌میز، آنه‌م، تورموش اورتاغیم و ۶ اوغیل و ایکی قیز. اولر‌نینگ نان پولی‌نی بو یول آرقه‌لی تامین‌له‌یمن.»
پناه‌گاه، هر قنچه ایشی‌نینگ قیین‌چیلیگی‌نی بیان قیلمه‌ی و هیچ نرسه‌نی یوزی‌گه کیلتیرمسه ده، لیکن بیر لقمه نان تاپیب و عایله نیازلرینی تامین‌لش‌نینگ اونگه قنچه قیین توشیشی‌نی اوزی بیله‌دی. او جمعیت ایچیده شرم قیلیش و اذیت بولیشی اوچون شهر ایچیده ایشلشی پیتده، یوزینی بوتونلی یاپه‌دی که بو رقم چاریکار‌نینگ کیچیک شهری‌ده حیات کیچیره‌دیگن یقین‌داشلری و دوست‌لری اونی تانیمه‌سین. «یوزیم‌نی بوتونلی یاپه‌من. بیران کیشی کورمه‌سین دیب. حاضر هم ۳ الی ۳ یوز مینگ افغانی قرضدار‌مین.»
بیزلرنینگ فیسبوک صحیفه‌میزگه باش اورینگ!
پناه‌داد نی کوپراق اذیت قیله‌دیگن باشقه بیر نرسه، چیقیندیلرنی اختریشی پیتده اهالی آرقه‌لی اونینگ بنگی‌وار ماده گه چلینگنی و بو یول‌دن معتاد قیله‌دیگن نرسه‌‌لر پولی‌نی تامین‌لشی دیر که عکسینچه‌سی، او بیر لقمه نان قولگه کیلتیریش مقصد، برچه قیین‌چیلیکلرنی کوزگه آلگن. «کوپینچه کیشی مینی معتاد دیب توشینه‌دی، لیکن خدا سقله‌سین هیچ نرسه چکمه‌یمن. مجبورلیک اوچون بو ایش‌نی قیله‌من.»
قویاش باتیشی، پناه‌داد اوچون چرچش، آغریق و کرخت‌لیک بیلن توله بیر کون‌نینگ یکونلنیشی دیر. اونینگ چرچه‌گن سیما‌سیده یخشی‌راق بیر کیله‌جک اوچون نه بیر شکایت بار و نه بیر امید. او کونی‌نی چیقیندیلر آره‌سیده کیچه قیلیب و ایرته‌سی کون ینه چیقیندی ییغیش‌گه چیقه‌دی.
