آسترالیا تشقی ایش‌لر وزیری ماریس پین نینگ ایتیشیچه، افغانستانده طالبان تامانیدن زوروانلیک‌لر دوام قیلیشی، قتل و تینچ اهالی اینیقسه عیال‌لرنینگ قیناققه سالینیشی خواطرلنترووچی دیر.
افغانستان تشقی ایش‌لر وزیرلیگی نینگ بیر خبرنامه نشر قیلیب ایتیشیچه، آسترالیا تشقی ایش‌لر وزیری اوشبو مطلب‌نی بوگون “پنجشنبه” مملکت تشقی ایش‌لر وزیری محمدحنیف اتمر بیلن اوتکزگن تلفنی صحبت‌ده بیان قیلگن.
خبرنامه گه کوره، آسترالیا تشقی ایش‌لر وزیری طالبان گروهی‌دن تینچلیککه قول تاپیش اوچون تعهدلریگه عمل قیلیشی‌نی سوره‌گن. اونینگ تاکید قیلیشیچه، اوز مملکتی افغانستانده عادلانه تینچلیک تامین ایتیلیشیدن حمایت قیله‌دی.
بیزلرنینگ فیسبوک صحیفه‌میزگه باش اورینگ!
خبرنامه‌ده ایتیلیشیچه، محمد حنیف اتمر، امنیتی، کینگی‌تیریش و انسان دوست‌لیک بولیم‌لرده آسترالیا نینگ ایکی دهه ده‌گی یاردم‌لریدن منت‌دارلیک بیلدیرگن. جناب اتمر، حاضرگی شرایط ده ایکی مملکت آره‌سیده بولگن رابطه‌لر یخشی‌لنیشی‌نی اونملی عنوان قیلگن.
خبرنامه‌ده کوپه‌یتیریلیشیچه، آسترالیا نینگ کابلده‌گی دایمی دیپلماتیک حضوری، آسترالیا نینگ اوروش جنایتی‌گه عیب‌لنگن حربی‌لرینی تیکشیریلشی و باشقه بیرقطار موارد‌لر خصوصیده جدی شکلده اقدام قیلینیشی‌گه کیلیشگنلر.
بیزلرنینگ فیسبوک صحیفه‌میزگه باش اورینگ!
سونگی هفته‌لرده طالبان جنگریلری مملکت بیرقطار ولایت لریده اوروش‌نی شدت‌لنتیریب و بیرقطار تومن‌لر و سوداگرلیک بندرلرنی تصرف قیلگن بیر حالده، آسترالیا تینچ اهالی نینگ طالبان تامانیدن قیناققه سالینیشیدن خواطر بیلدیرگن.
