اسلام امیرلیگی ۱۴۰۳-ییل‌ده، دنیا همجمعیت‌نینگ رسمی توزیلمه‌سی‌گه قیته قوشیلیش‌گه سعی‌وحرکت قیلگن که سرپرست حکومتنینگ ایشانچی‌گه کوره، بو سعی‌وحرکتلر یخشی نتیجه گه ایگه بولگن.
اسلام امیرلیگی سوزلاوچیسی اورین‌باسری حمد‌الله فطرت‌نینگ ایتیشیچه، ۱۴۰۳-ییل‌ده سرپرست حکومت تشقی مناسبت‌لرنی کینگه‌یتیریش دایره‌سیده یخشی یوتوق‌لرگه ایگه بولگن. اونگه کوره، بو ییل‌ده تورلی‌خیل مملکتلر تامانیدن افغانستان‌لیک اونلب دیپلمات قبول قیلینگن.
اوشبو ییل، مالیزیا، تورکیه، پاکستان، ایران، اوزبیکستان، تورکمنستان، قزاقستان، روسیه، چین، سعودی عربستان و بیرلشگن عرب امیرلیکلری کبی تورلی‌خیل مملکت‌لرده اسلام امیرلیگی دیپلماتلری قبول قیلینگن.
بیزلرنینگ «ایکس» ترماغی ده هم تعقیب قیلینگ!
جناب فطرت‌نینگ کوپه‌یتیریشیچه، شونینگدیک ۱۴۰۳-ییل‌ده، اوچ مملکت اسلام امیرلیگی ایلچی‌لری ایشانچ‌نامه‌‌لرینی قولگه کیلتیرگن. «اگست آیی یکونی‌ده، بلال کریمی چین ده ایلچی صفتیده تعیینلندی. ۱۵-اکتبر ده حرمتلی عبدالغفار بحر اوزبیکستان ایلچی‌سی صفتیده تعیین‌لنگن. شونینگدیک نوامبر آیی‌ده بدرالدین حقانی بیرلشگن عرب امیرلیکلریده ایلچی صفتیده تانیشتیریلگن.»
بولرگه علاوه، ۱۴۰۳-ییل‌ده کابل ده سعودی عربستان ایلچی‌خانه‌سی فعالیتی‌نی قیته باشله‌ب و باشقه بیر تاماندن، تورکیه ده افغانستان ایلچی‌خانه‌سی اسلام امیرلیگی‌گه تاپشیریلگن.
بو ییل‌ده اسلام امیرلیگی رسمی‌لری ۵۱ مملکت گه سفر قیلیب و بو مملکتلر رسمی‌لری بیلن ایکی تامانلمه و نیچه تامانلمه مناسبت‌لر کینگه‌یشی توغریسیده اوچره‌شیب و صحبت قیلگنلر.
اسلام امیرلیگی سوزلاوچیسی اورین‌باسری‌نینگ ایتیشیچه، ۱۴۰۳-ییل‌ده اسلام امیرلیگی نماینده‌لری خلق‌ارا ۲۵ ییغیلیش‌گه قتنه‌شیب و بو ییغیلیش‌لر دایره‌سیده، باشقه مملکتلر سیاستچیلری و دیپلماتلری بیلن هم اوچره‌شگن. «بو ییل‌ده همکارلیک‌لر و تعاملات رواجلنیشی‌ده اسلام امیرلیگی رسمی‌لری ۵۱ مملکت گه سفر قیلیب و باشقه مملکتلر ییریک رسمی‌لری بیلن اوچره‌شگن. بو سفرلر قطر، تورکیه، هندوستان و ایران گه ایدی.»
خلق‌ارا انزوادن چیقیش اوچون ۱۴۰۳-ییل‌ده اسلام امیرلیگی سعی‌وحرکتلری بیلن، شونینگدیک هیچ بیر مملکت سرپرست حکومت‌نی رسمیت‌گه تانیمه‌گن.
سیاسی ایش بیلرمانلردن قطاری‌نینگ ایشانچ‌لریگه کوره، اقتصادی تحریم‌لر، دیپلماتیک باسیم‌لر و خوفسیزلیک بیلن بشری حقوق توغریسیده‌گی خواطرلر، دنیا همجمعیت‌ده اسلام امیرلیگی قبول قیلیشی‌گه توسیق بولگن.
بو توغریده سیاسی ایش بیلرمان سلیم پیگیر‌نینگ ایتیشیچه: «اسلام امیرلیگی آرقه‌لی افغانستان اهالی‌سی‌گه بیریلگن سوزلر و اهالی‌نینگ دولت‌دن بولگن ایسته‌کلری عمل‌گه آشیریلمه‌دی. دنیا همجمعیت بیزلرنی رسمیت‌گه تانیمه‌دی. بیرلشگن ملتلر تشکیلاتی‌نینگ خوفسیزلیک کینگشی‌ده کوپینچه تنقیدلر بار.»
باشقه بیر قطار تحلیل‌چیلر‌نینگ ایشانچی‌گه کوره، ایچکی سیاست‌لر اینیقسه عیاللر حقوقی و همه‌شمول دولت شکل‌لنیشی‌ده اساسی اوزگریشلر یره‌تیلمسدن، اسلام امیرلیگی خلق‌ار بولیم‌ده ینه هم یاپیق ایشیک‌لر بیلن روپه‌ره بولیشی ممکن.
بیزلرنینگ فیسبوک صحیفه‌میزگه باش اورینگ!
باشقه بیرتاماندن، سیاسی ایش بیلرمانلردن باشقه بیری عزیز استانکزی‌گه کوره، اسلام امیرلیگی تشقی مناسبت‌لر کوچه‌یشی بولیمی‌ده یخشی یوتوق‌لرگه ایگه بولگنی بیلن؛ بیراق حاضرگچه دنیا همجمعیت‌گه قوشیلیش اوچون قرشی‌سیده اوزوق یول بار.
استانکزی‌نینگ کوپه‌یتیریشیچه: «امید قیله‌‌میز که کیله‌جک‌ده تورلی مملکتلر بیلن سرپرست حکومت مناسبتی یخشی‌راق بولسه. شونینگدیک اسلام امیرلیگی رسمیت گه تانیلیش و بیرلشگن ملتلر تشکیلاتی‌ده نماینده‌لری قبول قیلینیشی اوچون عملی آدیم‌لر آلسین که بو رقم افغانستان ده‌گی حاضرگی سیاسی قیین‌چیلیک حل بولسین.»
گرچند اسلام امیرلیگی ۱۴۰۳-ییل‌ده دیپلماتیک مناسبت‌لر کوچه‌یشی توغریسیده کوپینچه سعی‌وحرکت قیلگن؛ بیراق افغانستان ده سیاسی توزیلمه و انسان حقوقی بولیمی‌ده دنیا ایسته‌کلرینی قبول قیلمه‌گنی سبب، خلق‌ارا مشروعیت‌نی قولگه کیلتیره آلمه‌گن که بو یانده‌شوو، سرپرست حکومتنینگ دنیا همجمعیت بیلن مناسبت‌لری کیله‌جگی‌نی ناانیق حالت‌گه قرار بیرگن.
