خاتین قیزلر گه قرشی چیکلاولر دوام ایتر ایکن، ینگی لیکده اسلامی امارت امر معروف و نهی منکر وزیرلیگی، میدیالر نینگ عیال مجری‌لری دستورلری جریانیده یوزلرینی یاپیش بویروغینی صادر قیلگن.
اسلامی امارت سوزلاوچیسی و معلومات و مدنیت وزیرلیگی نینگ معینی ذبیح‌الله مجاهد، برچه عیاللر حجاب‌نی رعایت ایتیشنی الزامی بیله‌دی او نینگ سلام‌وطندار گه ایتیشیچه، صادر بولگن دستور استثناسیز بیر امر دیر و «برچه سینگلریمیزدن حجاب‌نی رعایت ایتیش‌لرینی ایسته‌یمیز؛ چونکه دینی بیر امر دیر.»
بیزلرنینگ فیسبوک صحیفه‌میزگه باش اورینگ!
عین‌حالده، عیال حقوقی فعال‌لریدن زرقا یفتلی، خاتین قیزلر گه یره‌تیلگن چیکلاولردن خواطر بیلدیریب ایتیشیچه، دستور جریانیده یوزنی یاپیش بویروغی سلبی تاثیر قیلیب و جامعه‌دن اولر نینگ حذف بولیشی گه سبب بوله‌دی.
طلوع‌نیوز خصوصی تلویزیونی بوگون بیر بیانیه ترقه‌تگن که اسلامی امارت ینگی بیر بویروغ صادر قیلیب طلوع‌نیوز شامل موبی‌گروپ برچه تلویزیون‌لریدن، بوندن بویان عیال مجری‌لری تلویزیونی دستورلری جریانیده یوزلرینی یاپیشی تأکید ایتیلگن.
طلوع‌نیوز نینگ بیاناتی اساسیده، امرمعروف و نهی منکر و معلومات و مدنیت وزیرلیکلری نینگ نماینده‌لری، موبی‌گروپ گه اوشبو بویروغنی صادر قیلیش چاغیده، مذکور بویروغنی «قطعی حکم» و «بحث قیلینمس» دیگن.
بیزلرنینگ توییترده هم تعقیب قیلینگ!
باشقه تاماندن اوتگن کونی اجتماعی شبکه‌لرده ترقه‌لگن ویدیولر گه بناً (استاد ربانی) تعلیم و تربیه بیلیم یورتی نینگ رنگه چادری بولگن قیز طلبه‌لری گه بیلیم یورت گه کیریش رخصتی بیریلمه‌یدی.
ایتیش کیره‌ک که، افغانستان ده اسلامی امارت حاکم بولیشیدن کیین، خاتین قیزلر گه چیکلاولر یره‌تیلدی. سیاسی، تعلیم و فرهنگی ساحه‌لردن اولرنی حذف قیلیش، عیاللر گه یره‌تیلگن چیکلاولردن عبارت دیر.
