یمننینگ غربی ساحللریده اوشبو مملکت حربی کوچلری و حوثیلر اورتهسیده دوام ایتگن بیر آیلیک توقنشوولرده، ایکیله تاماندن بیر مینگ ۵۰۰ نفر جنگچی اولگن.
«الجمهوریه» تلویزیونی، یمن دولتیگه طرفدار ملی مقاومت کوچلریگه اساسلنیب ایتیشیچه، ۹ آگستدن ۱۰ سپتمبرگچه دوام ایتگن توقنشوولرده اوشبو گروهنینگ ۵۰۰ نفر کوچلری اولیب و بیر مینگ ۵۰۰ نفری ایسه جراحتلنگن.
گزارش گه کوره، اوشبو مدت دوامیده بیرمینگدن آرتیق حوثی جنگچیلری اولگن و باشقه مینگلب نفری ایسه یرهلنگن.
گزارشلر اساسیده، تامانلر اورتهسیده کوچلی توقنشوولر دوام ایتماقده و حوثیلر بو مملکت جنوب و شمال حدودلریده دنیا همجمعیت تامانیدن تن آلینگن یمن دولتینینگ ایکی مرکزینی آلیش اوچون سعی-حرکت قیلماقدهلر.
