یمن حوثیلری، سعودی عربستاننینگ حربی پایگاهسینی راکته و دران آرقهلی نشانگه آلگنلرینی معلو قیلدی.
حوثیلر سوزلاوچیسی یحیا سریع، بوگون ایرتهلب (۲۲ سنبله/ ۱۳ سپتمبر، یکشنبه) ایکس اجتماعی ترماغیده یازیشیچه، اوشبو هجومده سعودی عربستاننینگ «شروره» حدودهگی حربی پایگاهسی، شونینگدیک، مذکور مملکت جنوبیدهگی قورال-یراغ امبارلری و عملیاتلرنی باشقریش اتاقلری نشانگه آلینگن.
سریعنینگ قوشیمچه قیلیشیچه، بو هجوم سعودی عربستاننینگ حربی حرکتلریگه جواب صفتیده عملگه آشیریلگن. حوثیلر سوزلاوچیسی آگاهلنتیریب، سعودی عربستاننینگ یمنگه قرشی حربی حرکتلری دوام ایتسه، بو مملکت حدودینینگ ایچکریسیگه ینهده کوچلیراق و کینگراق هجوملر بیلن جواب قیتریلیشی ممکن.
سونگی هفتهلرده، حوثیلر بیلن سعودی عربستان تامانیدن قوللب-قوتلنهیاتگن یمن کوچلری اورتهسیدهگی توقنشولر کوچهیگن. حوثیلر اوتگن هفتهدن حاضرگچه یمن کوچلریگه قرشی ینگی هجوملرنی باشلب، بابالمندب بوغوزی اطرافیدهگی حدودلر، مخا بندری شهری، یمن شهرلری و قیزیل دینگیزدهگی اورمانلرنی ایگللب، بابالمندب بوغزی اوستیدن نظارتینی کوچهیتیرگن.
