آمریکا تشقی ایشلر وزیری آنتونی بلینکن نینگ ایتیشیچه، مذکور مملکت و بیرلشیک‌لری بیر مقصد گه قول تاپگنلر کیم اولر اوشبو مقصد اوچون ۲۰ ییل آلدین و ۱۱- سپتامبر حادثه‌سیدن کیین افغانستان کیتگن ایکنلر.
آمریکا تشقی ایشلر وزیری ناتو باش کاتبی ینس استولتنبرگ بیلن اوتکزگن قوشمه خبری ییغینده ایتیشیچه، آمریکا حربی‌لری نینگ تینچ و اویغون بیر شکلده افغانستان دن چیقاریش اوچون کیلگوسی هفته‌لر و آیلر ناتوده‌گی بیرلشیک‌لری بیلن همکارلیک قیله‌دی. اونینگ ایتیشیچه: «بیزلر افغانستان نی ترک قیلگن بیرحالده هم، افغانستان و بو مملکت نینگ کیله‌جگی اوچون بیرگن وعده‌لریمیز اوز اورنیده قالیشی ممکن.»
آنتونی بلینکن بو فرصت نی ائتلاف اوچون اونملی بیر لحظه دیب ایتیشیچه: «کمیده ۲۰ ییل آلدین ۱۱- سپتامبر ده آمریکا هجوم گه دوچ کیلگنیدن کیین، بیزلر آمریکا گه هجوم قیلگن کیشیلر بیلن کوره‌شیش و افغانستان ینه بیر مرته ترورچیلرنینگ تینچ بیر اویه‌سی بولمه‌سلیگی توغریسیده ایشانچ قولگه کیلتیریش اوچون بیرگه‌لیککه افغانستان کیتدیک. بیزلر بیرگه‌لیککه بو مقصد گه ایریشدیک و حاضر حربی‌لریمیزنینگ اوی‌لریگه یوباریش زمانی کیلگن.»