مملکت سوو وبرق وزیرلیگی مسئوللری، تخار گه قیلگن سفرلری دایرهسیده آمو دریا قیرهلرینی مستحکملش ایشینی، دشت قلعه تومنی حدودلری آیخانم بندری ده افتتاح قیلدیلر.
مملکت سوو و برق وزیرلیگی نینگ سوغاریش ایشلری بوییچه معینی مجیبالرحمان عمر آخوندزاده، اوشبو پروژه ایشینی آچیش مراسمیده ایتیشیچه، آمو دریا قیرهلریدهگی اورمانلر، ایکینچیلیک ییرلر و یشش اویلر بوزیلمسلیگی اوچون اوشبو دریا قیرهلرینی مستحکملش ایشینی باشلهگنلر.
بیزلرنینگ فیسبوک صحیفهمیزگه باش اورینگ!
اونگه کوره، دستلب مذکور پروژه اوچون ایکی میلیارد افغانی اجرهتیلگن، عملی بولیشی بیلن یوزلب هکتار ییر، عمومی قتناو یوللر و یشش اویلر بوزیلیشی اونگی آلینهدی.
ماورای کوکچه دریای پنج پائین حوزه باشلیغی عبدالواحد رجب، آمو دریا قیرهلرینی مستحکملش اوشبو پروژهنی حیاتی دیب، سابق حکومتلرده میلیونلرچه دالر یاردم بیریلیشی بیلن بو گَل ایش بولمهگنینی معلوم قیلدی.
جناب رجب نینگ کوپهیتیریشیچه، مذکور پروژه چاهآب حدودلری دن باشلهنیب آیخانم بندری گچه که ۱۹۶ کیلومتر دیر، زیانلی حدودلرده تطبیق ایتیلهدی.
باشقه تاماندن، دشتقلعه تومنی خلقی نمایندهلیگی دن نعمتالله گمنام، آمو دریا قیرهلرینی مستحکملش ایشی باشلهنیشیدن خورسندلیک قیلیب، سوو و برق وزیرلیگی مسئوللری دن، ماورای کوکچه سرکلری همده دشتقلعه تومنی عمومی کانالی که مینگلب جریب ییرنی سوغارهدی، کینگهیتیریلیشینی طلب قیلدی.
بیزلرنینگ توییترده هم تعقیب قیلینگ!
جناب گمنام اوز سوزلری دوامیده ایتیشیچه، کوکچه دریا اوستیده قیرق ییل آلدین اوشه زمان حکومتی تامانیدن برق توغانی قوریلیشی ریجهلشتیریلگن ایدی، بیراق حاضرگچه تطبیق بولمهگن و اسلام امیرلیگی حکومتیدن بوتوغریده دقت قیلیشینی سورهدی.
عینحالده، آمو دریا بدخشان ولایتی پامیر تاغلریدن سرچینه آلینهدی، اوشبو دریا قیرهلری مستحکملنمسلیگی طفیلی هر ییلی یوزلب ایکینچیلیک ییر، اوتلاقلر، اورمانلر و یشش اویلرنی بوزیب یوق ایتماقده. حاضر بیرینچی مراتبه مملکت نینگ تورت ولایتیده اسلام امیرلیگی حکومتی تامانیدن، آمو دریا قیرهلرینی مستحکملش ایشی باشلنگن.