آمریکا قوشمه ایالاتی افغانستان دن چیقیشی نی رسمی شکلده اعلام قیلگنیدن کیین، طالبان مملکت ولایت‌لری نینگ ایریم بولیمیده هجوم‌لرینی کوپه‌یتیرگن.
جمهوررئیس ملی خوفسیزلیک مصلحتچیسی حمدالله محب، مدافعه و ایچکی ایشلر وزیرلیگی سرپرست‌لری بیلن قوشمه خبری بیر ییغین اوتکزیب ایتیشیچه، چیت‌ایللیک کوچلرنینگ افغانستان دن چیقیشی اعلام ایتیلگن بیرحالده طالبان هجومی کوپه‌یگن.
اونینگ آگاه‌لنتیریشیچه، بو گروه اوروش یولی بیلن مقصدی گه ایریشمه‌یدی. جناب محب گه کوره، طالبان حمایتچی‌لری اولرگه اشتباه مصلحت بیرگن که اولر اوروش یولیدن قدرت گه ییتیشه‌دی.
جمهوررئیس ملی خوفسیزلیک مصلحتچیسی، افغانستان ده ترورچیلیک گروه‌لرنینگ فعالیتی نی اویغون دیب و ایتیشیچه، القاعده و داعش ترورچیلیک گروه‌لری برچه تخریبی فعالیت‌لرینی طالبان اویغونلیگی بیلن عمل گه آشیره‌دی.
عین حالده، مذکور ییغینده مدافعه وزیرلیگی سرپرستی محمدیاسین ضیا، چیت‌ایللیک کوچلرنینگ افغانستان دن چیقیشی اعلام ایتیلگن بیرحالده، قطار ولایت‌لریده طالبان هجومی کوپه‌یگنی توغریسیده نطق سوزلب و ایتیشیچه، اوتگن بیر ییل جریانیده امنیتی و مدافعه کوچلری نینگ برچه کم‌چیلیک‌لری تکمیل بولماقده و امنیتی کوچلر طالبان گه قرشی کوره‌شه آله‌دی.
جناب ضیا گه کوره، طالبان امنیتی کوچلر بیلن اوروشه آلمه‌یدی و اولر کوپراق تینچ‌اهالینی هدف قرار بیره‌دی.
مدافعه وزیرلیگی سرپرستی نینگ کوپه‌یتیریشیچه، طالبان اوتگن کیچه لوگر ده بمب جایلشتیریلگن موتر نی پارتله‌تیش گه علاوه، هرات، تخار، قندهار و غزنی ولایتی نینگ ایریم بولیمی ده هجوم قیلگن که نتیجه‌ده، امنیتی کوچلردن ۱۷ ته‌سی و ۵۰ طالب هلاک بولگن.