باله‌لردن حمایت قیلووچی تشکیلات (Save the Children) بوگون بیر گزارش ترقه‌تیب ایتیشیچه، افغانستان ده باله‌لر روحی و روانی باسیم‌لر آستیگه قرار تاپگن؛ چونکه اولر اوشبو مملکت ده بحران کوچه‌یشینی تحمل قیلماقده‌لر.
مذکور تشکیلات نینگ ایشانچی گه کوره، افغانستان روانی ساغلیک فاجعه عرفه‌سیگه قرار تاپگن؛ چونکه اقتصادی بحران و باشقه موجود اونلب معما، باله‌لر نینگ روانی ساغلیگی اوستیگه سلبی تأثیر قیلگن.
بیزلرنینگ فیسبوک صحیفه‌میزگه باش اورینگ!
باله‌لردن حمایت قیلووچی تشکیلات، تورت باله و کیکسه کیشی دن یالغیز بیر کیشی خدمت‌لردن فایده لنه یاتگنیدن آگاه‌لنتیره‌دی. اوشبو تشکیلات نینگ ایتیشیچه، اولردن کوپی احتمالاً ساغه‌یمه‌ی و اوزاق مدتلی کسل‌لیکلر گه چلینیش‌لری ممکن.
مذکور تشکیلات نینگ کوپه‌یتیریشیچه، کوپ سانده باله‌لر کیچه تاماندن آچ اوخله‌یدیلر و عایله اعضالری نینگ اقتصادینی تأمینلش اوچون مکتب نی ترک ایتگنلر.
باله‌لردن حمایت قیلووچی تشکیلات گه کوره، افغانستان ده قریب تورت میلیون ۴۶۰ مینگ باله و کیکسه روانی ساغلیک و اجتماعی روانی حمایت گه نیازلری بولیشی ممکن، بیراق ینگی معلومات‌لر اساسیده، حاضرگچه بیر میلیون ۳۰۸ مینگ ۶۶۱ کیشی، یاردم و خدمت‌لردن فایده‌لنگن‌لیکلری ممکن.
بیزلرنینگ توییترده هم تعقیب قیلینگ!
اوشبو تشکیلات نینگ کوپه‌یتیریشیچه، هر تورت قیز دن بیری پریشان‌لیک کسل‌لیگیگه چلینگن‌لیگی سیزیله‌دی.
افغانستان ده‌گی عایله‌لر باله‌لردن حمایت قیلووچی تشکیلات گه ایتیشلریچه، عایله‌لر اوستیگه مالی باسیم و زرووانلیک سبب، فرزندلری نینگ رفتارلریده خواطرلی اوزگریش‌لر جمله دن کنترول قیلیب بولمس ییغلش، کیچه کابوس کوریش و اوزی گه ضرر ییتکیزیشنی سیزگنلر.