افغانستان ۲۰ یاشنی تولدیرمه‌گن فوتبال ملی تیرمه جماعه‌سی، کافا تورنمنتی ایککینچی اویینیده قرغیزستان برابریده مغلوب بولدی.
اوشبو مسابقه، ۲۲-جوزا، پنج‌شنبه کونی کابل وقتی بیلن ۰۴:۳۰ ده، تاجیکستان دوشنبه شهری‌ده اوتکزیلدی.
بیزلرنینگ فیسبوک صحیفه‌میزگه باش اورینگ!
افغانستان ۲۰ یاشنی تولدیرمه‌گن فوتبال ملی تیرمه جماعه‌سی، بو مسابقه‌ده ۳:۰ حسابی بیلن قرغیزستان برابریده مغلوبیت گه تن بیردی.
افغانستان مرکزی آسیا قهرمانلر تورنمنتی بیرینچی مسابقه‌سیده، تاجیکستان برابریده ۲:۰حسابی بیلن مغلوب بولگن اېدی.
مملکت ملی پوش‌لری «الف» گروهی‌ده تاجیکستان و قرغیزستان بیلن بیر گروه دیر.
بیزلرنینگ «ایکس» ترماغی ده هم تعقیب قیلینگ!
مرکزی آسیا قهرمانلر تورنمنتی (کافا)، قویاش ۱۴۰۴-ییل، ۲۰- جوزادن افغانستان، تاجیکستان، قرغیزستان، ایران، اۉزبېکستان و تورکمنستان جماعه‌لری اورته‌سیده باشلنگن و اوشبو آی ۲۷ سیگه قدر دوام تاپیشی اېتیلگن.
