جهان کپی گروهی باسقیچی ایکینچی هفتهسیده، دنیانینگ اینگ کوچلی و کریستیانو رونالدو کبی تجربهلی یولدوزلری بولگن پرتگال، اوزبیکستان گه غلبه قازاندی.
جهان کپی تورنمنتیده ایلک مراتبه یول تاپگن اوزبیکستان فوتبال ملی تیرمه جماعهسی، اوشبو اویینده پرتگالنینگ یولدوزلرینینگ پارلشیگه توسیق بوله آلمهی و ۵-۰ حسابی بیلن مغلوبیت گه تن بیردی.
اوزبیکستان اولگی مسابقهسیده هم کلمبیا گه بای بیرگن ایدی و پرتگال ایسه کنگو جمهوریتی بیلن مساوی قیلگندی.
اوشبو تورنمنتنینگ گروهی باسقیچی باشقه اویینلریده انگلستان و غنا ایسه ۰-۰ حسابی بیلن مساوی گه تن بیریب و امتیازلرنی بولدی. شونینگدیک کرواسی هم ۱-۰ حسابی بیلن پاناما و کلمبیا ایسه ۱-۰ حسابی بیلن کنگو جمهوریتی گه غلبه قازاندی.
