بیرلشگن ملتلر تشکیلاتی نینگ رواجله‌نیش و آلغه کیتیش (UNDP) برنامه‌سی نینگ  ۲۰۲۰- ییل گزارشی اساسیده، افغانستان دواملی رواجله‌نیش هدف‌لری نینگ تیکشیروولریگه ۱۶۶ مملکت آره‌سیده‌دن ۱۳۹ مقام نی قولگه کیلتیرگن.

مذکور گزارش گه کیلیشیچه، قالگن ۶۱ مورد دن ۱۹ موردی گه هیچ قنده‌ی آلغه کیتیش یوق ایکن، ۳۴ موردی نی تیکشیریش اوچون ییترلیچه معلومات یوق ایکن و باشقه ۸ مورد گه قویی کیلیش کورینگن.

اوشبو گزارش نینگ کورستیشیچه، افغانستان ۸۵ مورد دن یالغیز  ۲۴ مورد گه یخشی آلغه کیتگن کیم بو هدف نینگ ۲۸ فایزی نی تشکیل بیره‌دی.

اوشبو گزارش اساسیده، کووید ۱۹ ویروسی افغانستان اقتصادی گه آچیق شکلده کوپ ضرر ییتیشتیرگن؛ بیراق اوزون مدت ده دواملی رواجله‌نیش خصوصیده افغانستان نینگ وعده‌لری قویی کیلمه‌یدی.

گزارش نینگ کوپه‌یتیریشیچه، کرونا ویروسی نینگ سلبی تاثیرلری افغانستان ده فقر و قشاقلیک میزانی نینگ ۵۵ فایزدن ۷۲ فایز گه کوپه‌یتیرگن.

شونینگدیک افغانستان ۲۰۱۹- ییل ده ییگولیک خوفسیزلیگی شاخص‌لری نینگ تیکشیرووی گه ۱۸۵ مملکت آره‌سیدن ۱۸۰- مقامی نی قولگه کیلتیرگن.

خلق‌ارا آذیق-آوقت تشکیلاتی نینگ اورغولشیچه، بو رقم افغانستان ده کرونا ویروسی باعث ایکی برابر بولیشی نی امکانی بار و باشقه بیر فاجعه آچلیک نینگ کوپه‌یتیریشی ممکن.

بو گزارش اساسیده بیرلشگن ملتلر تشکیلاتی نینگ باله‌لر صندوقی (یونیسف) نی پیش‌بینلیگی گه کوره، کوویدن ۱۹ نینگ اجتماعی-اقتصادی ضررلری باله‌لرگه کوپراق دیر.

افغانستان ده مکتب دن قالگن ۶-۱۸ یاشر باله‌لر سانی کووید ۱۹ فاجعه‌سی باعث ۵.۶ میلیون دن ۹.۷ میلیون گه کوپه‌یگن و بو باله‌لر قیته‌دن مکتب گه کیته آلمه‌گن صورتده، فقر میزانی ۵۱.۷ فایز دن ۶۰.۹ فایز گه کوپه‌یشی ممکن.

مذکور گزارش ده کووید ۱۹ نینگ اونملی تأثیرلریدن باشقه بیری، دستلبکی احتیاجات‌لرگه قول تاپیش خصوصیده بولگن قیینچیلیکلر دیر.

اوشبو گزارش‌گه کوره، قرنطین جریانیده درآمدلر ایککی برابر کمه‌یش بیلن اولکه ده قیمت‌لر هم یوقاری کیتیب و باله‌لر سل کسلیگی نینگ رقمی هم کوپه‌یکن. حاضرگی سلبی تاثیرات‌گه کوره، میلادی ۲۰۳۰- ییل گه‌قدر برچه سل کسلیکلر اونگی‌نی آلیش ممکن ایمس.

عین‌حالده، کرونا ویرسی مملکت نینگ ایکینچیلیک، ساغلیک و سوداگرلیک بولیم‌لری اوستیگه هم سلبی تاثیر قویگن؛ افغانستان صادراتی ۲۰۲۰- ییلده ۲۰۴ میلیون دالردن ۳۲.۷ میلیون دالرگه کمه‌یگن.

گزارش‌گه کوره، اولکه اداره‌لریده‌گی فساد افغانستان نینگ آلغه باریش و کینگه‌یش هدف‌لری اوستیگه هم سلبی تاثیر تشله‌گن.

بیرلشگن ملت‌لر تشکیلاتی نینگ آسیا و اقیانوسیه بویچه بولگن اجتماعی و اقتصادی کمیته‌سی نینگ مطالعه‌سیگه کوره، کرونا ویروسی باعث، جنوبی آسیا اولکه‌لری نینگ ۱۳۲ میلیون خلقی کم‌بغللیک بیلن دوچ کلیشی ممکن.

اوشبو گزارش‌گه کوره، دایمی توسعه‌گه قول تاپیش و آلغه باریش هدف‌لر توغریسیده ایریم قیین‌چیلیکلر بولگن، لیکن دنیا بویچه بشری توسعه شاخصه‌سی ۱۹۹۰- ییلده آزیشدن امیدلر بولگن.

بیرلشگن ملت‌لر تشکیلاتی تامانیدن نشر قیلینگن گزارش‌گه کوره، افغانستانده دایمی توسعه ریجه‌لری ایچکی ناخالص تولیدلرگه باغلیق بولگن، اما کرونا ویروسی چیقگنی اوچون دولت ۸ هفته بویچه قرنطین اعلام ایتیشده مجبور قالگن، لیکن مذکور قرنطین ایچکی ناخالص تولیدات‌لر اوستیگه سلبی تاثیر تشله‌گن.

گزارش اداغیده بیرلشگن ملت‌لر تشکیلاتی افغانستان دولتیدن، ایچکی ناخالص تولیدات‌لر نینگ ۱۵% برابریده بولگن منبع‌نی ساغلیک، جماعه‌نی قوریش و ۲۰۲۰- ییل نینگ دایمی توسعه ریجه‌لری اوچون اختصاص بیریشی‌نی سوره‌گن، لیکن افغانستان حکومتی مالیات‌نی توپلش بیلن درآمدنی کوپه یتیره آله‌دی و میلادی ۲۰۲۱- ییلده ۳۰۰ میلیون دالر مالیات توپلش بیلن کرونا ویروسی نینگ سلبی تاثیرینی کمه‌یتیره آله‌دی.

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام