افغانستان پولی ذخیره‌لریدن ۷ میلیارد دالری نینگ آزاد قیلیش خصوصیده‌گی آمریکا جمهوررئیسی جو بایدن نینگ قراری گه قرشی عکسالعمللر دوامیده، بیلیم یورت اوقیتووچیلر کینگشی اوشبو بویروغ نی ناعادلانه و یشاوچیلردن باج آلیش دیگنلر.
افغانستان بیلیم یورت اوقیتووچیلر کینگش اعضاسی بوگون کابل‌ده خبری بیر ییغین یولگه قویش بیلن ایتیش‌لریچه، موزلنگن پوللر افغانستان نینگ پولی حمایتی دیر و اونینگ باشقه موردلر گه اختصاص بیریلیشی افغانی پول ارزشی نینگ قویی کیلیشی و اقتصادی تیزیم نینگ سقوط قیلیشی گه سبب بوله‌دی.
بیزلرنینگ فیسبوک صحیفه‌میزگه باش اورینگ!
افغانستان بیلیم یورتلر استادلر کینگش اعضالریدن بیری اکبر میر نینگ ایتیشیچه: «افغانستان بیلیم یورتلر اوقیتووچیلری شونده‌ی اقتصادی حساس وضعیت‌ده و انسانی فاجعه‌ده آمریکا جمهوررئیسی نینگ اقدامی نی اهالی و دنیا جماعه همکاری برابریده بیللی ظلم دیر. اوشبو عمل افغانستان اهالی‌سی نی قیلمه‌گن جرم‌گه متهم قییلش دیر.»
شونینگدیک افغانستان بیلیم یورت اوقیتووچیلر کینگش اعضالریدن باشقه بیری نصیراحمد محبت نینگ ایتیشیچه: «آمریکا و متحدلری اوتگن ۲۰ ییل جریانی‌ده افغانستان گه تورلی بهانه‌لر سبب هجوم قیلگن و مملکت نینگ اشغال قیلگن، مینگلرچه کیشی نینگ قانی نی توکیب شهید قیلگن، میلیون‌لرچه کیشی نی ناگران و آواره قیلگن. خلق‌ارا قانونلر اساسیده، بو عمل‌لر اوروش جنایت‌لری دیر و آمریکا اونینگ غرامتی نی افغانستان ملتی و اهالی‌سی گه توللیشی کیره‌ک.»
بیزلرنینگ توییترده هم تعقیب قیلینگ!
شونده‌ی بیرحالده، سیاسی ایش بیلرمانلردن بیری سید‌باقر محسنی نینگ سلام‌وطندار گه ایتیشیچه، اسلامی امارت بیلن اهالی آره‌سیده برابرلیک بولمه‌گنی و اولر نینگ ایسته‌کلری تیزیم چارچوبه‌سیده بیان بولمه‌گنی، اهالی نینگ اوشبو عکس‌العمللری و اهالی نینگ انتقادلری افغانستان برابریده آمریکا قراری نی تغییر بیره‌آلمه‌یشی ممکن.
آمریکا جمهوررئیسی جوبایدن نینگ بویروغی اساسیده، افغانستان پولی ذخیره‌لریدن ۳.۵ میلیارد دالر ۱۱- سپتامبر هجومی عاقبتیده قربان بولگنلر گه توللش اوچون و باشقه ۳.۵ میلیارد دالری ایسه افغانستان‌ده انسان‌دوستلیک یاردم‌لر اوچون اختصاص بیریلگن بیرحالده، اوشبو بیانات مطرح بولگن.
