کمیده ایکی دهه اوتیشی بیلن افغانستان بالهلری حاضر هم باله‌لر باغچه‌سی و تعلیم و تربیه‌له‌نیش نی دستلبکی باسقیچ‌لریده توغری قول تاپه آلمه‌یدی.
ایش و اجتماعی ایشلر وزیرلیگی رسمی‌لری، باله‌لر باغچه‌سی مسئوللری بیلن کابل ده قوشمه بیر ییغین اوتکزیب ایتیش‌لریچه، قشاقلیک و فقر باعث ۸ میلیون باله‌دن یالغیز ۳۵ مینگ ته‌سی خصوصی و دولتی باله‌لر باغچه‌سیگه شامل دیر.
ایش و اجتماعی ایشلر وزیرلیگی نینگ اجتماعی معینی غلام حیدر جیلانی نینگ ایتیشیچه، مملکت یشاوچی‌لریدن ۷۰ فایز دن آرتیغی فقر چیزیغی آستیده قرار تاپگن کیم اولردن کوپینچه‌سی نینگ باله‌لر باغچه‌سی پولی نی توله‌ش کوچی ییتمه‌یدی.
ایش و اجتماعی ایشلر وزیری بشیر احمد ته‌ینچ نینگ ایتیشیچه، اهالی نینگ باله‌لر باغچه‌سی و اولرنینگ سانی کم‌لیگی توغریسیده‌گی خواطرلرینی درک قیله‌دی و اولر اهالی نینگ بعضی قیینچلیک‌لری برابریده بی فرق یانده‌شگنی نی تَن آله‌دی.
شونینگدیک باله‌لر باغچه‌سی عمومی باشلیغی حوریه سردارزاده مذکور ییغینده ایتیشیچه، شونینگدیک باله‌لرنینگ یانیده اولیالری نی هم معلومات ترقه‌تیش برنامه‌لرینی پوششی آستیده آلیش اوچون سعی و حرکت قیلیشه‌دیلر.
بوندن آلدین اهالی باله‌لر باغچه‌سی نینگ اوقیتوچی‌لری آرقه‌لی بالهلری تهدید، بدنی تنبیه و ناتوغری حرکت‌لرگه دوچ کیلیش‌لریدن هردایم شکایت قیلیشگن ایدی. اولرگه کوره، بالهلری اوچون باله‌لر باغچه‌سیده کوپ پول توله‌یدیلر، بیراق بالهلری ایسه اوزلرینی تینچ احساس قیلمه‌یدی.