پروان ترافیک مدیریتی مسئوللری نینگ ایتیش‌لریچه، اوشبو ولایت‌ده یوز بیرگن ترافیکی حادثه نتیجه‌سیده بیش کیشی یره‌لنگن.
پروان ترافیک مدیریتی نینگ ترافیکی حادثه‌لرنی تیکشیریش آمری عبدالحمید محمدی نینگ سلام‌وطندار گه ایتیشیچه، اوتگن کون توش‌دن کیین ساعت ۳:۳۰ اطرافیده، چاریکار شهری‌دن جبل‌السراج تومنی تامان حرکت قیلگن کرولا رسوملی موتر، پنجشیر دن کابل تامان حرکت قیلگن کرولا رسوملی بیر موتر بیلن، پروان مرکزی «سرجنگل‌باغ» منطقه‌سیده توقنشگن.
بیزلرنینگ توییترده هم تعقیب قیلینگ!
اونگه کوره، مذکور حادثه نتیجه‌سیده تورت کیشی یره‌لنگن. جناب محمدی نینگ کوپه‌یتیرییشچه، حادثه یره‌دارلریدن برچه‌سی فرقلی یاش‌لردن بولگن ایرککلر دیر و شونینگدیک پنجشیر دن کابل تامان حرکت قیلگن موتر نینگ هیداوچیسی هم یره‌لنگن.
پروان ترافیک مدیریتی نینگ ترافیکی حادثه‌لرنی تیکشیریش آمری نینگ اورغولشیچه، یره‌دارلر درمان اوچون کسل‌خانه گه انتقال بیریلگن و موترلری ایسه ترافیک مدیریتی‌ده قید ایتیلگن دیر.
