غزنی امنیه قوماندانلیگی سوزلاوچیسی خالد سرحدینینگ ایتیشیچه، کابل-قندهار قتناو یولیده یوز بیرگن ترافیکی حادثه نتیجهسیده، ایکی کیشی اولیب و ۱۱ عیال شامل ۲۹ کیشی یرهلنگن.
اونگه کوره، مذکور حادثه اوتگن کیچه ساعت ۱۰:۰۰ اطرافیده، غزنی مرکزی حدودلریده جایلشگن «روضه کوتلی» ساحهسیده یوز بیرگن.
جناب سرحدینینگ کوپهیتیریشیچه، اوشبو ترافیکی حادثه یوک تاشووچی بیر موترنینگ ۵۸۰ رسوملی یولاوچی تاشووچی بیر موتر بیلن توقنشگنی نتیجهسیده یوز بیرگن.
غزنی امنیه قوماندانلیگی سوزلاوچیسی، مذکور حادثهنینگ هیداوچیلر احتیاطسیزلیگی سبب یوز بیرگنینی بیان قیلیب و ایتیشیچه، یرهلنگنلر دوالنیش مقصد غزنی حوزهوی کسلخانهسی و ولایتی کسلخانهگه انتقال بیریلگن.
سونگی کونلر مملکتنینگ اَیریم ولایتلریده ترافیکی حادثهلر یوز بیریشی کوپهیب و اولردن قطارینینگ سببی، هیداوچیلر دقتسیزلیگی، قاعده-قانوننینگ رعایت قیلمسلیکلری و یوللر بوزوقلیگی دییلگن.
