سمنگان امنیه قومندانی مولوی حبیب‌الله حماس، مذکور ولایتده بیر ایرکک و اوچ عیال «نامشروع ایش» گه عیبله‌نیب قولگه آلینگنیدن خبر بیرگن.
جناب حماس نینگ ایتیشیچه، مذکور کیشیلر پنج‌شنبه کیچه سمنگان مرکزی ایبک شهری نینگ کهنه منطقه‌سیده بیر یشش اویده اویین و شراب ایچیش بیلن شغللنگن بیرچاغده قولگه آلینگن.
اونگه کوره، اوشبو کیشی‌لردن ایکی ته‌سی بلخ یشاوچیلری دیر و ۲۰ کون آلدین ایران دن قیتگن ایکنلر. سمنگان امنیه قومندانی نینگ کوپه‌یتیریشیچه، بو کیشیلر مذکور ولایت مرکزی قماقخانهسیگه انتقال بیریلگن و اولردن تدقیقات نی جریانی بار.
بیزلرنینگ فیسبوک صحیفه‌میزگه باش اورینگ!
باشقه بیر تاماندن جناب حماس نینگ ایتیشیچه، اوشلب آلینگن کیشی مذکور عیاللردن بیری نینگ همکارلیگی بیلن، ییگیت‌لرگه بونده‌ی برنامه‌لر فراهم قیلیب و اولردن پول آله‌دی ایکن.
عین حالده، ایبک شهریده منبعلردن قطاری نینگ ایتیش‌لریچه، شونینگدیک اسلامی امارت حربی‌لری اوچ باله نی هم بو اویدن آلیب کیتگنلر که اولر هم توتقونده دیر.
ایتیلیشیچه، باله‌لردن ایکی ته‌سی اوشبو عیاللر آرقه‌لی محرم صفتیده بلخ ده کیلتیریلگن ایکن. سمنگان امنیه قومندانلیک مسئوللری حاضرگچه بو توغریده هیچ بیر نرسه دیمه‌گن.
