اوتگن کون (یک‌شنبه، ۹-ثور)، بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف)، بیر گزارش آرقه‌لی جاری میلادی ییل نینگ باشلنگنیدن حاضرگچه افغانستان ده ۱۴مینگ ۵۰۰دن آرتیق شبهه‌لی قیزه‌میققه چیلنگن کسل نینگ رویخط گه آلینگنی و اولر ارا ۷۱ ته‌سی نینگ بو کسللیک عاقبتیده جان بیرگنی نی اعلام قیلگن.
افغانستان ده قیزه‌میققه چیلنگنلر سانی کوپه‌یگنی خصوصیده خلق‌ارا ساغلیق‌نی سقلش تشکیلاتی نینگ خواطری بیلن بیرگه، صحت طفل کسل‌خانه‌سیده‌گی شفاکارلر نینگ ایتیشلریچه، قیزه‌میققه قرشی ایملش خصوصیده عایله‌لر نینگ توجه‌سیزلیگی سبب، سونگی بیر یریم آی جریانیده بو کسل‌لیککه چلینگن باله‌لر سانی ۷۰ فایز کوپه‌یگن.
ننگرهار ساغلیق مسئله‌لری بوییچه ایش بیلرمان‌لر، مذکور ولایتده کیچیک باله‌لر آره‌سیده قیزهمیق کسللیگی ترقه‌لگنی‌دن خواطر بیلدیرگنلر. ننگرهار ده انتانی کسلخانهسی متخصصی سید‌محمد محمدی نینگ ایتیشیچه، اوتگن بیر ییلده قزه‌میققه چلینگن ۹۶۰ کسل، اوشبو کسل‌خانه گه دوالنیش اوچون کیلتیریلگن و اولر ارا، ۱۹ باله ایسه جان بیرگن.
غور ولایتی ساغلیق‌نی سقلش مسئوللری اوشبو ولایتده قیزه‌میققه چلینگنلر سانی کوپه‌یگنیدن خواطر بیلدیریب ایتیشلریچه، یالغیز بو ولایت نینگ مرکزی کسلخانهسیده قریب ۱۳۰ باله قیزه‌میققه چلینگن‌لیگی قید ایتیلگن.
لغمان یشاوچیلریدن بیرقطاری نینگ ایتیشلریچه، سونگی نیچه آی ده اوشبو ولایت ده قیزه‌میققه چلینگنلر سانی کوپه‌یگن. اولر گه کوره، طبی امکانیت‌لردن یخشی فایده‌لنه آلمه‌ی و ویروسی کسل‌لیکلر حقیده آگاهی‌لیکلری یوق دیر.
پروان یشاوچیسی بولمیش نازنین نینگ ایتیشیچه، باله‌سی قیزه‌میققه چلینیب، بیش‌کون‌دن بیری اوشبو ولایت نینگ ۱۰۰ یاتاق‌لیک کسلخانهسیده بستری دیر. اونگه کوره، تورموش اورتاغی باله‌سی نینگ واکسین بولیشی گه رخصت بیرمه‌‌گنی سبب، باله‌سی قیزه‌میققه چلینگن.
اون آی‌لیک و اوچ یاشر ایکی باله‌سی قیزه‌میققه چلینگن «شازیه» اسملی آنه نینگ ایتیشیچه، باله‌لری پروان ولایتی تخصصی ۱۰۰ بسترلیک کسلخانهسیده بستری دیر. اونگه کوره، بو کسللیک قوشنی‌لری نینگ باله‌لری دن او نینگ فرزندلری گه یوققن و آلدینی آلیش اوچون واکسین بولیش‌لری کیره‌ک. شازیه نینگ ایتیشیچه، قیزه‌میققه چلینگنلر دستلب یوتله‌دی و کیین ایسه اسهال بولیب و ایسیته‌دی و نهایت تنه‌سی نینگ تیری سیده «قیزیل دانه‌لر» چیقه‌دی.
قیزهمیق یوقوملی کسللیک بولیب و قولی‌لیک بیلن بیر کیشی دن باشقه کیشی گه یوقیب و کوپراق باله‌لر نینگ حیاتینی تهدید قیله‌دی.
پولیو و قیزه‌میققه قرشی واکسین بولیش پروسه‌سی، بوگون هرات ده مسئوللر نینگ حضوری بیلن باشلنگن. هرات ساغلیق نی سقلش مسئوللری نینگ ایتیشلریچه، اوشبو دور ده رباط سنگی و ادرسکن تومن‌لریدن باشقه هرات ولایتی بویلب بیش یاشنی تولدیرمه‌گن ۵۰۰ مینگ‌دن آرتیق باله، قیزهمیق و پولیو گه قرشی ایمله‌نیش‌لری کوتیله‌دی.
بیرلشگن ملتلر تشکیلاتی افغانستان ده قیزهمیق کسللیگی نینگ کوپه‌یگنی خصوصیده خواطر بیلدیرگنیدن کیین، ساغلیق نی سقلش وزیرلیگی نینگ ایتیشیچه، افغانستان ده قیزهمیق کسللیگی نینگ کوپهیشیدن توسیق بولگن و منطقه‌لردن قطاری‌ده، شونینگدیک قیزهمیق کسللیگی گه قرشی ایملش کمپاینی نی باشلگن دیر.
چیگره‌سیز داکترلر افغانستانده قیزهمیق کسللیگی کوپه‌یگنیدن خواطر بیلدیریب ایتیشلریچه، اوشبو مملکت هر ییل مذکور کسللیک نینگ ترقه‌لیشیگه گواه ایدی؛ بیراق ۲۰۲۱- ییلده اوشبو کسللیک ۲ مراتبه ترقلگن .
قندوز ولایتی ساغلیق‌نی سقلش مسئوللری نینگ ایتیشلریچه، اوتگن بیر آیده قیزه‌میققه چلینگن کسللردن ۱۷ ته‌سی جان بیرگن. اوشبو ولایت ساغلیق‌نی سقلش ریاستی نینگ مسئولی نجیب‌الله ساحل نینگ ایتیشیچه، اوشبو مدت ایچیده بو ویروس‌گه چلینگن کسللردن ۹ یوز ۱۵ کیشی ساغه‌یگن دیر.
خلق‌ارا ساغلیق‌نی سقلش تشکیلاتی افغانستانده قیزهمیق واکسینی کمپاینی نینگ تطبیق ایتیش پروسه باشلنگنیدن خبر بیرگن. اوشبو تشکیلات نینگ ایتیشیچه، قیزهمیق واکسینی نینگ تطبیق ایتیش بیرهفته‌لیک کمپاینی میلادی اوشبو آی نینگ ۱۲- سی دن ۱۷-سی گچه باشلنگن دیر.
فاریاب ولایتی ساغلیق‌نی سقلش مسئوللری، اوشبو ولایتده قیزه‌میققه یولیققن باله‌لر سانی کوپهیشیدن خواطر بیلدیریب ایتیشلریچه، سونگی نیچه آیده، اوشبو بیمارلیک کوزگه کورینرلی درجه‌ده کوپه‌یگن دیر.
بادغیس ساغلیق‌نی سقلش ریاست مسئوللری مذکور ولایتده قیزهمیق کسللیگی نینگ کوپه‌یشی خصوصیده خواطر بیلدیریب ایتیشلریچه، قیزهمیق نی یوقتیرگن‌لر میلادی جاری ییل نینگ سونگی ایکی آییده ۳۵۲ کیشی گه ییتیشگن؛ بیراق بو رقم اوتمیش ییل نینگ ۱۲ آییده ایسه ۳۷۵ کیشی گه ییتیشگن ایدی.
چیگره‌سیز داکترلر تشکیلاتی، افغانستانده قیزهمیق کسللیگی کوپهیشیدن خواطر بیلدیریب ایتیشلریچه، اوتگن نیچه آیده مذکور کسل‌لیککه چلینگن کیشی‌لر سانی کوپه‌یماقده دیر.
مذکور تشکیلات نینگ توییتر صحیفه‌سیده یازیشیچه، یالغیز هرات‌ده کونیده ۴۵ قیزهمیق واقعه‌سی رویخط گه آلینه‌دی.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
