کابل ایمرجنسی کسل‌خانه‌سی اعلام قیلگن که، بوگون کابل غربی نینگ دشت برچی ساحه‌سیده جایلشگن «کاج» تعلیمی مرکزی گه اویوشتیریلگن هجوم‌دن اوشبو کسل‌خانه گه ۲۲ یره‌دار انتقال بیریلگن. مذکور کسل‌خانه گه کوره، یره‌دارلر آره‌سیده ۲۰ عیال شامل دیر.
ایمرجنسی کسل‌خانه سرپرستی دیجان پنیک نینگ ایتیشیچه: «بوگون ایرتنگ چاغی یوز بیرگن هجوم‌دن کیین، ۲۰ عیال شامل ۲۲ یره‌دار اوشبو کسل‌خانه گه انتقال تاپگن.»
بیزلرنینگ فیسبوک صحیفه‌میزگه باش اورینگ!
اونگه کوره، قربان بولگنلر ۱۸دن ۲۵ یاش آره‌سیده دیر و اولردن کوپ قطاری اوشبو تعلیمی مرکز گه کانکور آزمایشی سیناوی نی اوتگزیش اوچون توپلنگن ایکنلر.
جناب پنیک نینگ کوپه‌یتیریشیچه، یره‌دارلردن بیری یول‌ده جان بیرگن و یره‌دارلردن باشقه بیری ایسه کسل‌خانه گه بارگنیدن کیین جان بیرگن.
اونینگ ایتیشیچه: «یالغیز اوتگن ایکی آی‌ده ۱۱ واقعه نینگ توپلم قربانی‌لری کسل‌خانه‌میز گه انتقال تاپگن و اوشبو پارتلش‌لر نتیجه‌سیده، مذکور کسل‌خانه‌ده فوق‌العاده عاجل اقدام‌لر نی فعال قیلیش گه مجبور بولدیک.»
«کاج» تعلیمی مرکزی گه اویوشتیریلگن هجوم‌ده اونلرچه اوقووچی قیز و اوغیل هلاک و یره‌لنگن. مذکور واقعه‌ده قربان بولگنلردن کوپ قطاری نی قیزلر تشکیل بیره‌دی.
«سی‌ان‌ان» و بی‌بی‌سی فارسی خبری ترماق‌لری اسلامی امارت منبع‌لریدن نقل قیلیب و گزارش بیرگنلر که، اوشبو هجوم‌ده ۲۳ اوقووچی هلاک و ۳۶ اوقووچی یره‌لنگن.
بیزلرنینگ توییترده هم تعقیب قیلینگ!
کابل امنیه قوماندانلیگی سوزلاوچیسی خالد زدران اوشبو واقعه تلفاتی نی ۱۹ جسد و ۲۷ یره‌دار اعلام قیلگن ایدی. بیراق محلی منبع‌لر نینگ ایتیش‌لریچه، تلفات سانی اسلامی امارت تامانیدن شریک بولگن تلفات سانی‌دن کوپ دیر.
مذکور هجوم ملی و خلق‌ارا عکس‌العمل‌لر بیلن روپه‌ره بولگن. حاضرگچه اوشبو هجوم مسئولیتی نی بیرار گروه یا_ده شخص بوینیگه آلمه‌گن.