سمیع‌الله اوتگن کون ایشی نی بجریش چاغیده وزیرمحمد اکبر‌خان مسجدی اوستیگه اویوشتریلگن موتربمب هجومی‌ده هلاک بولگن دیر.
سمیع‌الله نینگ اقارب‌لری ایتگنلر که، اونینگ اویی کرایی دیر و سمیع‌الله عایله‌سی نینگ یالغیز سرپرستی ایکن. اولر نینگ کوپه‌یتیریش‌لریچه، سمیع‌الله نینگ تورموش اورتاغی قلبی کسل‌لیگی بار و یامان اقتصادی بیر وضعیت‌ده حیات کیچیره‌‌دیلر. شونینگدیک سمیع‌الله‌دن بیر اوغیل و ایکی قیز قالگن.
بیزلرنینگ فیسبوک صحیفه‌میزگه باش اورینگ!
سمیع‌الله نینگ اقارب‌لریدن فرید عارف نینگ ایتیشیچه: «سمیع‌الله ۱۵ ییل‌دن بیری کابل ترافیک پولیسی صفتی‌ده ایشله‌ر ایدی که اوتگن کون ایش جریانیده هلاک بولدی. سمیع‌الله نینگ تورموش اورتاغی قبلی کسل‌لیگی بار. اونینگ بیر اوغیل و اوچی قیزی بار و یامان بیر وضعیت‌ده حیات کیچره‌ر ایدیلر.»
سمیع‌الله نینگ اقارب‌لریدن عمران ملک، مملکت خوفسیزلیک وضعیتی‌دن خواطر بیلدیریب و اسلامی امارت‌دن امنیت نینگ تامین‌لنیشی نی ایسته‌یدی.
شونده‌ی بیرحالده، کابل امنیه قوماندانلیگی سوزلاوچیسی خالد زدران نینگ سلام‌وطندار گه کابل شهری نینگ امنیتی تامین‌لنیشی خصوصیده ایشانچ بیریب و ایتیشیچه، خوفسیزلیک کوچلر امنیت تامین‌لنیشی اوچون، کوپراق سعی و حرکت قیله‌دیلر.
بیزلرنینگ توییترده هم تعقیب قیلینگ!
کابل امنیه قوماندانلیگی سوزلاوچیسی نینگ کوپه‌یتیریشیچه، اوتگن کون یوز بیرگن موتربمب هجوم‌ده ۷ کیشی هلاک و باله‌لر شامل ۴۱ کیشی یره‌لنگن.
حاضرگچه اوشبو واقعه مسئولیتی نی بیرار گروه یا-ده شخص بویینیگه آلمه‌گن.
