افغانستان فوتسال ملی تیرمه جماعهسی، میلادی ۲۰۲۶-ییل کانتیننتال خلقارا فوتسال تورنمنتیده سونگی اویینیده، آغیر نتیجه بیلن نیوزیلند گه غلبه قازاندی.
مملکت فوتبال فدراسیونی فیسبوک صحیفهسیده یازیشیچه، اوشبو مسابقه بوگون (۱۵ اسد/۶ آگست، پنجشنبه) توشدن کیین کابل وقتی بیلن ساعت ۳:۳۰ ده تایلند میزبانلیگی بیلن اوتکزیلدی و نتیجهده نیوزیلند گه ۶-۱ حسابیده غلبه قازاندی.
مملکت فوتسال ملی اویینچیلری اوشبو تورنمنتنینگ بیرینچی و ایکینچی اویینلریده تایلند و ویتنام برابریده مغلوب بولدی و اوتگن کون اوچینچی اویینیده روسیه بیلن مساوی گه تن بیردی و نهایت سونگی اویینینی غلبه بیلن یکون یسهدی.
میلادی ۲۰۲۶-ییل کانتیننتال خلقارا تورنمنتی، بیرینچی آگستدن آلتینچی آگستگچه افغانستان، تایلند، ویتنام، نیوزیلند و روسیه فوتسال ملی تیرمه جماعهلری اشتراکی بیلن اوتکزیلدی و بو تورنمنت کیلهسی رقابتلر اوچون جماعهلرنی تیارلش دستوری بیر بولیمی حسابلنیشی ایتیلگن.
