مملکت ملی تیرمه جماعهسینینگ تانیقلی یولدوزی شاپور زدران وفات ایتدی.
معلوماتلر گه کوره، مملکت ملی کریکت جماعهسینینگ سابق اویینچیسی زدران، نیچه آی کسللیکدن سونگ، هندوستان پایتختی ینگی دهلی کسلخانهلریدن بیریده عالمدن اوتگن.
شاپور زدران ایناغهسی غمی زدران هم، اونینگ اولیمینی تصدیقلهگن. زدران افغانستان کریکت جماعهسینینگ تانیقلی سیمالریدن بولیب و میلادی ۲۰۲۵-ییل، ۳۰ جنوری کونی اوز اویینلریگه یکون یسهگنینی معلوم قیلگن ایدی.
او ۱۹۸۷-ییلده افغانستان شرقیده پکتیا ولایتیده توغیلگن بولیب، مملکت کریکت تاریخیده اینگ تأثیرلی اویینچیلردن حسابلنر ایدی.
شاپور زدران، ۱۰ ییلدن آرتیق وقت دوامیده افغانستان ملی کریکت تیرمه جماعهسیده توپ اوردی. او ۸۰ دن آرتیق خلقارا بیللشوولرده جملهدن اوچته ۲۰ آورلیک جهان کپیده افغانستان اوچون توپ اورگن.
