خلق‌ارا قاچقینلر تشکیلاتی افغانستان بولیمی‌نینگ اعلام قیلیشیچه، پاکستان دن افغانستان‌لیک قاچقینلرنینگ جبری شکلده چیقریلیش پروسه‌سی باشلنگنی‌دن بویان، قریب ۱۰۰ مینگ افغانستان‌لیک قاچقین مملکت گه قیتریلگن.
بیزلرنینگ «ایکس» ترماغی ده هم تعقیب قیلینگ!
مذکور تشکیلات‌نینگ افغانستان ده‌گی اداره‌سی، اکس صحیفه‌سیده بیر پیام آرقه‌لی یازیشیچه، مذکور قاچقینلر ۴ دن ۲۸ اپریل‌گچه پاکستان دن چیقریلگنلر.
خلق‌ارا قاچقینلر تشکیلاتی، مملکت گه قیتریلگنلر سانی کوپه‌یگنی‌دن خواطر بیلدیریش یانیده، بودجه کم‌لیگی بیلن روپه‌ره بولگنی و قاچقینلر گه انسان‌سیورلیک یاردم‌لر کورسه‌تیلیشی اوچون کوپینچه منبع‌گه نیازی بارلیگی توغریسیده آگاه‌لنتیرگن.
بیزلرنینگ فیسبوک صحیفه‌میزگه باش اورینگ!
بیرینچی اپریل ده قاچقینلرنینگ چیقریلیش پروسه‌سی باشلنگنی بیلن بیرگه، اسلام امیرلیگی و خلق‌ارا نهاد‌لر جمله‌دن بیرلشگن ملتلر تشکیلاتی، نیچه مرته پاکستان دن بو پروسه‌نینگ توخته‌تیلیشی‌نی ایسته‌گن.
