زابل ده خوفسیزلیک مسئوللر نینگ ایتیشلریچه، اوشبو ولایت نینگ شهر صفا تومنی اطرافیده، «۴۰۴» رسوملی یولاوچی تاشووچی بیر موتر نینگ چپه بولگنی نتیجه‌سیده، ۱۹ کیشی اولیب و یره‌لنگن.
زابل امنیه قوماندانلیگی سوزلاوچیسی ذبیح‌الله جوهر نینگ سلام‌وطندار گه ایتیشیچه، اوشبو حادثه بوگون ایرتنگ چاغی (یکشنبه، ۷-عقرب)، کابل-قندهار قتناو یولیده یوز بیرگن و مذکور حادثه نتیجه‌سیده، ایکی کیشی اولیب و ۱۷ کیشی ایسه یره‌لنگن.
بیزلرنینگ «ایکس» ترماغی ده هم تعقیب قیلینگ!
زابل امنیه قوماندانلیگی سوزلاوچیسی گه کوره، اوشبو حادثه یره‌دارلری دوالنیش اوچون شهر صفا تومنی گه انتقال بیریلگنلر.
شونده‌ی بیرحالده، زابل ده ساغلیق‌‌نی سقلش مسئوللری نینگ ایتیشلریچه، یره‌دارلردن ایکی ته‌سی نینگ وضعیتی یامان بولگنی سبب، دوالنیش اوچون قندهار گه انتقال بیریلگن دیر.
