بوگون ۲۸ سپتمبر، اطلاعات گه قول تاپیش خلق‌ارا کونی گه ماس دیر. افغانستان میدیالری و خبرچیلر فدراسیونی اوشبو مناسبت بیلن اوتکزگن ییغین‌لریده، خبرچیلر نینگ قیینچلیکلر خصوصیده یازیلگن مکتوب نی قولگه کیریتگنلر.
افغانستان میدیالری و خبرچیلر فدراسیون عضوی علی‌اصغر اکبرزاده نینگ ایتیشیچه، اولرگه مملکت بویلب ۵۰۰ دن آرتیق خبرچی مکتوب یوللـه‌گن، اوشبو مکتوب بوگون رسمی روشده اسلامی امارت بیلن شریک قیلینیشی ممکن.
جناب اکبرزاده گه کوره، خبرچیلر اوز قیینچیلیکلری و خواست‌لرینی اوشبو مکتوب ده اولر گه یوللـه‌گن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، افغانستان‌لیک خبرچیلر اوچ ساحه‌ده ایریم قیینچیلیکلر بیلن روپه‌ره دیر، اسلامی امارت دن بوتوغریده دقت قیلیشینی طلب قیله‌دی.
گرچند افغانستان بویلب اسلامی امارت حاکم بولیشیدن بیر ییل دن کوپ اوتماقده، لیکن خبرچیلر نینگ ایتیشلریچه، اسلامی امارت نینگ اولر بیلن همکارلیگی عادی حالتگه قیتمه‌گن.
خبرچی عمران دانش نینگ ایتیشیچه: «حاضرگی شرایط ده اطلاعات گه قول تاپیش بیر آز قیین بولگن. حکومت رسمی‌لری اوزلری اوچون مهم بولگن خبرلرنی خبرچیلر بیلن شریک قیله‌دی. بیراق تدقیقاتی گزارش‌لرده خبرچیلر گه اطلاعات بیریلمه‌یدی.»
بیزلرنینگ توییترده هم تعقیب قیلینگ!
عین‌حالده، افغانستان میدیالری و خبرچیلر فدراسیون عضوی جمیل وقار گه کوره، اسلامی امارت قدرت نی آلیشیدن کیین، اولر کلتکلنیش، حقارت و قولگه آلیش شامل ۲۰۰ دن آرتیق قضیه‌نی ثبت قیلگنلر.
خبرچیلر نینگ قیینچیلیکلری حلی اوچون اسلامی امارت سوزلاوچیسی نینگ فکر_ملاحظه‌سینی اورگه‌نیشنی ایسته‌دیک، لیکن کوپ سعی و تلاش بیلن مؤفق بولمه‌دیک.
