زابل ده سپورت و جسمانی تربیه‌لش ریاستی مسئوللری نینگ ایتیشلریچه، ایکی دهه اوتگنی‌دن کیین، بیرینچی مرته اوشبو ولایت سپورت‌چیلری آره‌سیده محلی اویین‌لر بیللشووی باشلنگن.
مذکور بیللشوولر اوتگن کون (جمعه، ۳-قوس)، زابل مرکزی ترینکوت شهری‌ده باشلنیب و اوچ کونگچه دوام تاپه‌دی.
بیزلرنینگ فیسبوک صحیفه‌میزگه باش اورینگ!
مسئوللر گه کوره، مذکور اویین‌لر زابل ولایتی نینگ ییتی تومنی سپورت‌چیلری آره‌سیده یولگه قوییلگن.
یولگه قوییلگن بیللشوولر «نیزه‌بازلیک»، کوره‌ش و باشقه نیچه محلی اویین‌دن عبارت دیر. اوشبو اویین‌لر نینگ یولگه قوییلیش خره‌جتی زابل سپورت و جسمانی تربیه‌لش ریاستی و یونیسف یا-ده بیرلشگن ملت‌لر تشکیلاتی نینگ باله‌لردن حمایت قیلووچی صندیغی آرقه‌لی توللنه‌دی.
زابل سپورت و جسمانی تربیه‌لش باشلیغی احمد غلامی نینگ ایتیشیچه: «اوشبو اویین‌لر اوچ کونگچه دوام قیله‌دی. بو ایش‌دن مقصد، کوره‌ش، نیزه‌بازلیک و باشقه قدیمی محلی اویین‌لر نینگ قیته اویینه‌لشی دیر که مذکور اویین‌لر مالی بودجه‌سی زابل سپورت و جسمانی تربیه‌لش ریاستی و یونیسف آرقه‌لی تأمین بوله‌دی.»
شونده‌ی بیرحالده، بو بیللشوو‌لرده نیزه‌بازلیک بولیمی گه شرکت قیلووچیلریدن بیری محمدحسن نینگ سلام‌وطندار گه ایتیشیچه، اوشبو اویین‌لر زابل ده قدیمی محلی اویین‌لر نینگ قیته اویینه‌لیشی مقصد یولگه قوییله‌دی. او مسئوللردن مذکور ولایت‌ده اونوتیلگن محلی اویین‌لر گه توجه و اولر نینگ قیته اویینه‌لیشی اوچون سعی و حرکت قیلینیشی نی ایسته‌گن.
بیزلرنینگ «ایکس» ترماغی ده هم تعقیب قیلینگ!
محمدحسن نینگ کوپه‌یتیریشیچه: «۲۵ ییل آلدین بو اویین نی اویینه‌گن ایدیم و اوشه پیت‌دن کیین هیچ اویینه‌گنیم یوق. یخشی بیر اویین دیر. جمعه کون‌لری بو اویین نی اویینه‌ر ایدیک؛ بیراق حاضر ایسه مملکت‌ده اویین قوله‌ی ایمس.»
باشقه بیر تامان‌دن، زابل ده محلی اویین‌لر بیللشوو‌لری نی کوزه‌تیش اوچون بارگن کیشیلردن قطاری نینگ ایتیشلریچه، بیرینچی مرته دیر که، بو بیللشوو گه شرکت قیلگنلر.
اوشبو بیللشوو گه کوزه‌تیش اوچون شرکت قیلگنلردن بیری نبی‌الله نینگ ایتیشیچه: «کوپ خورسند‌مین، بیرینچی مرته دیر که بو اویین نی کوره‌من. بو اویین نینگ زابل ده دوام قیلیشی نی کوتگن‌میز؛ چونکه کوپ یخشی بیر اویین دیر.»
نیزه‌بازلیک زابل ولایتی گه علاوه، باشقه بیر قطار ولایت‌لرده هم طرفدارلر گه ایگه دیر؛ بیراق مذکور اویین خصوصیده اعتبار کم‌لیگی سبب، یشاوچیلردن کوپ قطاری آرقه‌لی اونوتیلگن دیر.
