دنیا ساغلیق تشکیلاتی کووید ۱۹ کسل‌لیگی نینگ اومیکرون و دلتا سویه‌لری عین‌زمان ده کوپه‌یش خطری حقیده آگاه‌لنتیریب او نی «سونامی» گه شباهت بیرگن.
مذکور تشکیلات رییسی تدروس آدهانوم، خبری بیر ییغین‌ده اورغولشیچه، عین زمان ده بو ایکی سویه نینگ کوپه‌یشی کووید ۱۹ گه چلینیش حادثه‌لری نینگ اینگ یمان سونامی سی‌گه سبب بولیشی ممکن و کسل‌خانه‌لرده بستری کسل‌لر نینگ سانی همده اولیم میزانی نینگ کوپه‌یشی ممکن.
شونینگدیک، دنیا ساغلیق تشکیلاتی رییسی دنیا ده درمان‌لش تیزیم‌لری نینگ نابود بولیشی دن خواتیر بیلدیریب ایتگن که، اوشبو سویه‌لرنینگ بیردم کوپه‌یشی درمان‌لش تیزیمی و اولر نینگ ایشلاوچی‌لری گه باسیم کیلتیریشی ممکن.
بیزلرنینگ فیسبوک صحیفه‌میزگه باش اورینگ!
اونگه کوره، بای‌راق مملکت‌لرده کینگ شکل‌ده واکسین نینگ تکمیلی دوزی نی تزریق قیلیش و فقیر مملکت‌لر نینگ واکسین گه ایریشه‌آلمه‌گنلری، ویروس نینگ کوپه‌یب اوزاق مدت گچه قالیشی‌گه سبب بولیشی ممکن.
تیکشیروولر نینگ کورستیشیچه، حاضر اومیکرون سویه‌سی، ایریم مملکت‌لرده اوشبو کسل‌لیک نینگ غالب چیققن شکلی گه اوزگرگن، دلتا سویه‌سی گه قره‌گنده یینگیل؛ بیراق یولیقیش کوچی کوپ.
گزارش‌لر اساسیده، حاضرگی کونده بوتون دنیا ده کمیده ۹۰۰ مینگ کووید ۱۹ گه چلینگن ینگی مورد روی خط گه آلینه‌دی. اوشبو ویروس گه یولیقیش سرعتی کوپه‌یماقده و مملکت‌لر او نینگ آلدینی آلیشی اوچون چیکلاولر یره‌تگن‌لر.
