مملکت عیاللری و خبرچی‌لری نیچه ییل دن بویان کوپینچه قیینچلیکلر بیلن روپه‌رو بولگن بیرحالده، بیراق ایش، تعلیم و تحصیل حق‌لریگه ایگه ایکنلر.
اوتگن میلادی ییل و سابق حکومتده مملکت عیاللری اجتماعی، اقتصادی و فرهنگی بولیم‌لرده یخشی نقش اوینه‌یدی ایکن، بیراق افغانستان ده اسلامی امارت نینگ قدرت گه ایریشیشی بیلن، اجتماعی فعالیت‌لرده عیاللرنینگ نقشی کمه‌یگن.
عیاللر حقلری فعاللریدن زرقا یفتلی نینگ ایتیشیچه، قیغو بیلن اوتگن ۲۰ ییل ده ۲۰۲۱- ییل افغانستان عیاللری اوچون کوپ یمان بیر ییل بولگن. اونینگ کوپه‌یتیریشیچه، افغانستان عیاللری ۲۰۲۱- ییل ده سونگی ایکی دهه‌ده کوپ سعی و حرکت بیلن قولگه کیلتیرگن یوتوق‌لرینی قولدن بیرگن.
عیاللر حقلری فعاللریدن باشقه بیری هُدا خموش نینگ ایتیشیچه، میلادی ۲۰۲۰- ییل ده یخشی یوتوق‌لریمیز بار ایدی، بیراق نظام سقوط قیلیشی بیلن برچه‌سی نابود بولدی.
سونگی اوزگریش‌لیکلردن افغانستان رسانه‌یی جامعه‌سی هم متأثر بولگن بیرحالده، سونگی ییل‌لرده افغانستان سوز ایرکین‌لیگی نقطه‌ء نظردن دنیا ده تانیلگن ایکن.
بیزلرنینگ فیسبوک صحیفه‌میزگه باش اورینگ!
شونینگدیک خبرچیلر و رسانه فعاللری هم اوتگن ییل‌لرده‌گی یوتوق‌لریگه اشاره قیلیب و ایتیش‌لریچه، میلادی ۲۰۲۱- ییل ده جدی چیکلاولر و خبرچی‌لردن حمایت قیلیش قانونلرنینگ نقض ایتیلیشی افغانستان نی جدی قیینچلیکلر بیلن روپه‌رو قیلگن.
افغانستان ژورنالیست‌لری ملی اتحادیه‌سی نینگ رسانه مسئولی مسرور لطفی نینگ ایتیشیچه، ۲۰۲۱- ییل افغانستان رسانهء جامعه‌سیده کوپ بیر قیین ییل ایدی و بو ییل ده اقتصادی قیینچلیکلر هم کوپه‌یدی. اونینگ کوپه‌یتیریشیچه، ۱۵۰ دن آرتیق رسانه مملکتده‌گی اوزگریش‌لیکلر باعث باغلنگن و شونینگدیک ژورنالیست‌لردن ۷۰ فایز دن آرتیغی ایسه بیکار بولگن.
اوتگن میلادی ییلده مملکتده ۹ خبرچی هلاک ایتیلدی و ۱۰۰ دن آرتیق رسانه فعالیت دن قالدی و یوزلرچه خبرچی و عیاللر حقوقی فعاللری مملکتدن تشقی کیتدی. بو ییلده عیاللر حقلری نینگ قولگه کیلتیریش اوچون اعتراضی ییغینلر هم یولگه قوییشدی.
