ایران تشقی ایشلر وزیری چین گه قیلگن سفریده بو مملکت تشقی ایشلر وزیری بیلن اوچرهشیب و منطقهای کیسکینلیکلر اینیقسه هرمز بوغوزی وضعیتی و آتیش کیسین سقلهنیشی بوییچه سعیوحرکتلر حقیده، بحث قیلگن.
ایران تشقی ایشلر وزیری سیدعباس عراقچی، بوگون (۱۶-ثور/۶-می، چهارشنبه)، پکن ده چین تشقی ایشلر وزیری وانگ یی بیلن اوچرهشدی.
چین رسمی ییتکرمهلری گزارشی اساسیده، ایکی تامان آرهسیده ییغیلیش باشلهنگن، بیراق مذاکرهلر موضوعسی حقیده کوپینچه تفصیلات ترقهتیلمهگن.
الجزیره خبری ترماغینینگ گزارش بیریشیچه، اوشبو اوچرهشوولرنینگ اصلی موضوعسی آتیش کیسین سقلهنیشی و شونینگدیک هرمز بوغوزی وضعیتی دیر.
هرمز بوغوزی دنیادهگی اینگ مهم انرژی تاشیش یوللریدن بیری دیر. ایران گه امریکا و اسرائیلنینگ قوشمه هجومی، کیمهلر باریب-کیلیشیده قیینچیلیک یرهتیلیشی، انرژی قیمتی آشیشی و دنیا بازارلریده کینگ کولملی خواطرلرگه سبب بولگن.
