مملکت‌ده ۸ آیدن بویان ۶-صنف‌دن یوقاری قیز اوقووچی‌لرگه مکتب باریش اوچون رخصت بیریلمه‌گن؛ بیراق ارزگان‌ده مکتب‌لر ایشیگی یاپیلگندن کیین کوپ قطار قیزلر دینی مدرسه‌لرگه یوز کیلتیرگنلر.
اوشبو قیزلرکه بوندن آلدین مکتب‌گه کیته‌یدیلر اولر نینگ ایتیشیلریچه، تورلی یوللر آرقه‌لی تعلیم آلیشنی ایسته‌یدیلر. اوقووچی قیزلردن بیری امیرا نینگ ایتیشیچه، مدرسه نینگ خاص کییمی یوق و قیزلر تورلی کییم‌لر بیلن مدرسه‌گه باره‌آله‌دیلر.اونینگ کوپه‌یتیریشیچه: «بیز بوندن آلدین مکتب‌گه باریب درس اوقِیَیردیک، حاضر برچه مکتب اوقووچی قیزلر مدرسه‌گه باریب تعلیم آله‌دیلر. بیز مکتب‌گه خاص بیر کییم کییردیک، بیراق مدرسه‌گه عادی کییم بیلن باره‌میز.»
بیزلرنینگ فیسبوک صحیفه‌میزگه باش اورینگ!
ارزگان‌ده‌گی اوقووچی قیزلرکه اولرگه مکتب باریش اوچون رخصت بیریلمه‌گن، اولر اسلامی امارت‌دن قیزلرگه مکتب باریش‌لری اوچون رخصت بیریلیشینی سوره‌یدیلر.
عین‌حالده، اوقووچی قیزلردن ایکیته‌سی روزیه و شایسته که ۸ آیدن بویان مکتب بارمه‌گنلر اولر نینگ ایتیشلریچه، جاری ییل‌ده مکتب باریش اوچون امیدوار ایدیلر، بیراق اسلامی امارت نینگ سونگی قراری اولرنی امیدسیز قیلگن.
اسلامی امارت تامانیدن قیزلر نینگ اورته و لیسه مکتب‌لری نینگ ایشگی یاپیلیشی کوپینچه ایچکی و تشقی عکس‌العمللرگه سبب بولگن.
بیزلرنینگ توییترده هم تعقیب قیلینگ!
شونده‌ی بیرحالده، معارف وزیرلیگی مسئوللری نینگ ایتیشیچه، قیزلر نینگ مکتب‌لری آچیلیشی خصوصیده ینگی بیر لایحه اوستیگه ایشله‌ماقده‌لر، مذکور لایحه یکونله‌نیشی بیلن قیزلرنینگ مکتب‌لری آچیله‌دی.
عین‌حالده، اوتگن کون خوست ولایتی‌ده یولگه قوییلگن بیر ییغین‌ده، اسلامی امارت ییریک مقام‌لریدن بیری، انس حقانی ایتیگن ایدی، تیزلیکده قیزلر نینگ مکتب‌لری آچیله‌دی و بو توغریده دین عالم‌لری نینگ ییغینی یولگه قوییلیشی ممکن.
