امریکا سنا کینگشی، بو مملکت جمهور باشلیغی دونالد ترامپنینگ حربی وکالتلرینی چیکلش حقیده قانون لایحهسینی معقوللـهدی.
معلوم قیلینیشیچه، ۲۹ ثور/۱۹ می، سهشنبه کونی امریکا سنا کینگشی ترامپنینگ هر قندهی حربی حرکتینی کانگرس بیلن کیلیشووینی مجبوری قیلهدیگن قانون لایحهسینی معقوللـهگن.
معلوماتلر گه کوره، حجتنی ۵۰ سناتور قوللب-قوتلهگن، ۴۷ نفر سناتور قرشی چیققن. ترامپنینگ حربی وکالتلرینی چیکلش اوچون دموکراتلرنینگ اکثریتی و تورت نفر جمهوریتچی سناتور آواز بیرگن. قرشی آواز بیرگنلر آرهسیده ایسه جمهوریتچیلرنینگ اکثریتی و بیر نفر دموکرات سناتور بولگن.
ترامپنینگ ایران گه هجوم اویوشتیریش حربی وکالتی، ۵۰ موافق آواز و ۴۷ مخالف آواز بیلن چیکلنگن.
