بغلان ولایتیدن محلی منبعلرنینگ سلام‌وطندارگه ایتیش‌لریچه، ظهیرالدین اندرابی نام‌لی بیر داکتر و عایله‌سی نینگ ۶ عضوی ناتانیش قوراللی کیشیلر تامانیدن اوققه توتیلیب اولدیریلگن و باشقه ۳ باله یره‌لنگن.
بیزلرنینگ فیسبوک صحیفه‌میزگه باش اورینگ!
منبع نینگ کوپه‌یتیریشیچه، اوشبو واقعه اوتگن کیچه بغلان ولایتی نینگ پل‌حصار تومنی‌نی «ده‌یک» منطقه‌سیده یوز بیرگن و قربان بولگنلر بیر عایله نینگ عضوی دیر. داکتر ظهیرالدین اندرابی ۱۰ ییلدن بویان پل‌حصار تومنیده اهالی‌گه خذمت قیله‌ریکن.
اوشبو واقعه‌ده داکتر ظهیرالدین تورموش اورتاغی، ایکی یاش قیزی، کییاوی و ایکی باله‌سی بیلن هلاک ایتیلیب و باشقه ۳ باله‌سی یره‌لنگن.
حاضرگه‌قدر اوشبو واقعه انگیره‌سی بیللی بولمه‌گن و بغلان ولایتیده اسلامی امارت مسوول‌لری هم حاضرگه‌قدر بوتوغریده فکر بیلدیرمه‌گن. دکتر ظهیرالدین اندرابی نینگ اقارب‌لریگه کوره، اونینگ هیچ‌کیم بیلن دشمن‌لیگی یوق ایکن.
