ننگرهار ایکینچیلیک، سوغاریش و چارواچیلیک ریاست مسئوللری نینگ ایتیشلریچه، اوشبو ولایتده شفتالو حاصلاتی اوتمیش ییل گه نسبتن آشگن. مسئوللر گه کوره، ننگرهار نینگ ۱۳ تومنیده ۳۰۰۰ جریب ییر ده شفتالو باغ‌لری موجود که اوشبو ییل ۱۰ مینگ تُن حاصل بیرگن.
ننگرهار ایکینچیلیک، سوغاریش و چارواچیلیک ریاست سوزلاوچیسی اجمل سبحانی نینگ سلام‌وطندار گه ایتیشیچه، اوتگن ییلی مذکور ولایتده شفتالو حاصلاتی ۶۵۰۰ تُن ایدی که ۲۵۰ میلیون افغانی درآمد قیلگندی، بیراق بو ییل بو رقم ۱۰ مینگ تُن گه ایریشه‌دی و ۲۷۷ میلیون افغانی عاید جمع‌لنیشی ممکن.
بیزلرنینگ فیسبوک صحیفه‌میزگه باش اورینگ!
ننگرهار ایکینچیلیک، سوغاریش و چارواچیلیک ریاست سوزلاوچیسی نینگ کوپه‌یتیریشیچه، مذکور ریاست ایریم منطقه‌لرده دهقان‌لر و باغدارلر بیلن همکارلیک قیلگن، شونی اوچون اولر نینگ حاصلاتی کوپه‌یگن.
عین‌حالده، باغدارلردن قطاری حاصلات‌لری آشیشیدن خورسندلیک بیلدیریب ایتیشلریچه، اوتمیش ییل‌لر گه نسبتن کوپراق سود قیله‌دیلر، بیراق سوو بولمه‌گن قطار منطقه‌لرده‌گی دهقان ایریم قیینچیلیک‌لر بیلن روپه‌ره دیر.
ننگرهار ولایتی سرخ‌رود تومنیده‌گی دهقان‌لردن عبدالولی ۴ جریب ییرده شفتالو باغی بار ایتیشیچه، بو ییل حاصلاتی کوپه‌یگن، لیکن قورغاقچیلیک باعث محصولات‌لرینی سقلش و باغ‌لرنی پرورشی اوچون کوپراق مصرف بولیشی ممکن.
بیزلرنینگ توییترده هم تعقیب قیلینگ!
ننگرهارده‌گی شفتالو حاصلاتی اوشبو ولایت گه علاوه باشقه ولایت‌لر گه هم یوباریله‌دی، بیراق ساتووچیلردن قطاری گه کوره، برچه محصولات بیردن بازار گه کیریتیله‌دی، بازار یوق‌لیگی باعث کمراق سود قیلیش‌لری ممکن. اولر اسلامی امارت مسئوللری دن، بازار تاپیش و قیینچیلیکلری حلی اوچون اولر بیلن همکارلیک قیلیش‌لرینی طلب قیله‌دیلر.
عین‌حالده، بو ییل کنر ولایتیده شفتالو باغ‌لری یوزلرچه جریب ییرده قوریلگن و مذکور ولایت مسئوللری نینگ معلوماتی اساسیده، اوتگن ییل‌لر گه قره‌گنده، حاصلات آشیشی ممکن.
