غور خوفسیزلیک مسئول‌لری اوشبو ولایتده ایکی کیشی نامعلوم شکلده اولدیریلگنیدن خبر بیرگن‌لر. مسئوللر نینگ ایتیشلریچه، اوشبو واقعه غور ولایتی پسابند تومنی «شغزک» قیشلاغیده یوز بیرگن.
ایتیلیشیچه، بیر ایرکک و یاش نبیره‌سی بیلن اولدیریلگن. غور امنیه قوماندان‌لیگی نینگ سوزلاوچیسی عبدالرحمان بدری نینگ سلام وطندار گه ایتیشیچه، مذکور ایکی کیشی اوتگن کیچه یاتگن جای‌لریده اولدیریلگن.
بیزلرنینگ فیسبوک صحیفه‌میزگه باش اورینگ!
غور امنیه قوماندانی سوزلاوچیسی گه کوره، قاتل حادثه‌دن کیین قاچگن ایکن و اسلامی امارت کوچلری قاتل‌نی «سینی» قیشلاغیدن قولگه آلگن‌لر.
باختر دولتی آژانسی اوشبو خبرنی غور امنیه قومندان‌لیگی سوزلاوچیسی‌دن نقل قیلیب یازیشیچه، قولگه آلینگن کیشی تیرگاو بولماقده. و قتل سببی حاضرگچه انیقلنمه‌گن.
بو عین‌حالده، اوتگن جمعه کیچه، ۱۳ حوت، هرات ولایتی انجیل تومنی «خواجه سرمه» قیشلاغیده بیر عایله نینگ ۴ اعضاسی ناتانیش کیشیلر تامانیدن نامعلوم شکلده اولدیریلگن ایدی.
بیزلرنینگ توییترده هم تعقیب قیلینگ!
اوشبو ۵ کیشی بیر کیکسه ایرکک، بیر عیال و اوچ باله دیر. هرات محلی منبع‌لری مذکور واقعه گه دایر ایتیشیچه، ناتانیش کیشیلر اوشبو ۵ کیشینی باشینی کیسگن.
