جمال الدین صدرالدین اوغلی نینگ یقین ده تورکیه ده باسیب چیقارگن «اونیتیلگن تورکلر نینگ یورتی افغانستان» کتابی تقدیمات مراسمی، تورکیه یازووچیلر اویوشمه‌سیده بولیب اوتگن.
تورکستان ایل‌لری اوقوو کلتور و یاردملشمه اویوشمه‌سی نینگ اورین باسری احمد بایواریث بو اویوشمه هر داییم مدنی و اجتماعی حرکتلر همده شاعر و یازووچیلریمیز نینگ حامی سی بولگنینی ایتیب اویوشمه حاضرگچه نیچه ینگی اثرنی چاپ قیلیش گه زمینه یره‌تیب بیرگنینی بیلدیرگن.
بیزلرنینگ فیسبوک صحیفه‌میزگه باش اورینگ!
عین‌حالده، کتاب مولفی جمال الدین صدرالدین اوغلی تورکیه و تورک دنیاسی ده افغانستان تورک‌لری نینگ سیاسی، مدنی و اجتماعی حیاتی حقیده ییترلیچه معلومات بولمه‌گنی سبب بو کتاب نی یازگنینی معلوم قیلگن.
استانبول تجارت بیلیم یورتی نینگ استادی پروفیسور عبدالحمید افشار، یولدوز تخنیک بیلیم یورتی نینگ استادی پروفیسور سلیمان دوغان، گزیته‌چی خالص اوزدیمیر و میدیا فعالی گونگور یاووز ارسلان ینگی اثر حقیده تنقیدی فکر و ملاحظه لرینی بیلدیریب، افغانستان تورک‌لرینی ینگی نسل گه یخشی تانیشتیریشی ده کتته رول اوینه‌شی حقیده گپیریب، تورکیه ده تحصیل قیلیب تورگن یاشلردن بوحقده کوپراق تحقیق قیلیش لرینی سوره‌گنلر.
ییغیلیش دوامیده، تورکیه ده سپورت بولیمیده کتته یوتوقلر نی قولگه کیریتگن کیکس بوکچی اشفاق سید و کاراته جی کوثر بایوریس گه آلقیش نامه هم بیریلگن.
بیزلرنینگ «ایکس» ترماغی ده هم تعقیب قیلینگ!
اوراسیا تورک اویوشمه‌لری فدراسیونی تورکستان ایل‌لری اوقوو کلتور و یاردملشمه اویوشمه‌سی تشبثی بیلن یولگه قوییلگن ادبی دوره ده بیلیم یورتلری اوقیتوچیلری و اوقووچیلر، مدنی و اجتماعی اویوشمه‌لر رسمی لری هم اشتراک قیلگن ایدیلر.
ایسله‌تیب اوتیش لازم که، جمال الدین صدرالدین اوغلی بوندن قریب آلتی آی آلدین بیرینچی اثری بولمیش چین تشقی سیاستی ده افغانستان موقعیتی کتابینی کتاب شیدالریگه تقدیم قیلگن ایدی.
احتفال اداغیده اشتراکچیلر گه اونیتلگن تورکلر نینگ یورتی افغانستان اثری ترقه‌تیلدی و مهمانلر گه اوزبیک پلو هم تارتیق قیلینگن.
